Luk. 8:13 - Ebaibul

¹³ Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Luk. 8:13 Iomraidhean Croise

Yob 19:28

Ipedorete iyes alimun ebe, ‘Alipite ikiteryamunia iwon iŋes ŋican nooi? Iŋes elope eyaunit ŋican nakuwan keŋ’;

Ŋakit. 12:12

Iburit ŋulu aronok ibore ŋini elemunito ŋikasecak, nai erubakinete ŋulu iyookino egogoŋ anakiyookino kec.

Ŋakit. 12:3

Emam ituŋanan eryamuni aiuna anakitiya aronis, nai erubakinete ŋulu iyookino iboiyete pa iryaŋiryaŋasi.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Esek. 33:32

Itakani iyoŋ aneni kec isibit ituŋanan ŋini imina aeo ŋieosyo ŋulu ka amina, ituŋanan ŋini ejok etoil ieikini ka ŋini iyeni akiram ejok nooi ibore ŋini eore; epupete ikes ŋakiro ŋuna irworo iyoŋ, nai nyitiyakinete ŋuna irworo iyoŋ.

Osea 6:4

Abu Ekapolon tema, “Anukiro etiyakini ayoŋ neni kon, okoe Epuraim? Anukiro etiyakini ayoŋ neni kon, okoe Yudaya? Ikwaan amina kus ayoŋ ka ekuno ŋolo ka ataparacu, ikwaan amina kus ayoŋ ka ŋakopi ŋuna edaun eriŋa ataparacu.”

Mar. 6:20

Anerae akerit Erode Yoana, ayeni atemar arae ŋuna a kire ŋakiro ŋuna erworo Yoana ka arae iŋes ituŋanan ŋini eyookino ka ŋini ka Akuj; aŋun, emyekinit iŋes Yoana. Amina Erode akipup Yoana, erae daŋ kisiyaloloŋeneete ŋakitatameta a Yoana iŋes.

Luk. 8:12

Ŋikinyom ŋulu adoete lorot erae ŋituŋa ŋulu iirarete, nai bu Satan tolema akirot alotai kec, ikotere nyenupa ikes toiunos.

Luk. 8:14

Ŋikinyom ŋulu adoete lokukwa, erae ŋituŋa ŋulu iirarete akirot; nai amitakinit ŋuna ka akwap ka ekibure ŋolo a ŋiboro daadaŋ elomunete tooma toridakis akirot ŋina ka Akuj nyera.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Yoa. 5:35

Ekwaan Yoana ka etaa ŋolo enepi tocai ka ipotu iyes tolakaros adiotipei anakica keŋ.

1 Ŋikor. 13:2

Ani kayakar ayoŋ apedor ŋina dwaret ŋakiro ŋuna ka Akuj, oyeni ŋuna imunono ka aosou daadaŋ; ani kayakar anupit ŋina apolon ŋina iitana aŋuna ka akisiyotonor ŋimoru, nai tomam amina aneni kaŋ, arae ayoŋ koŋin.

1 Ŋikor. 15:2

Ikiunete iyes Ŋakiro ŋuna Ajokak ŋun, erae kicata iyes aneni kec lopite ŋolo akalimokinitor ayoŋ iyes--ŋaye kerae anupit kus akoŋinait!

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

Ŋigal. 3:4

Apotu mono ŋican ŋulu ipotu iyes toryamut aŋuna a Ŋakiro a ŋuna Ajokak toruworos ŋikoŋinae a? Kire, pa arae ŋikoŋinae!

Ŋiep. 3:17

ka elipenene ayoŋ Akuj kituruwo ŋitai kus neni iboiyo Kristo aŋuna ka anupit kus. Elipi ayoŋ atemar ibore daadaŋ ŋini itiyaete iyes, torae ŋini ebunit alotooma amina,

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

Ŋikol. 2:7

Torubakisi icasito aneni keŋ ikwa isicasitotor ŋataagor ekitoe alokwap, ido toduko akusikiyar neni keŋ; kicasito ananupit kus, ikwapei ikitatamitere iyes. Torubakisi ilakanarosi neni ka Akuj!

1 Ŋites. 3:5

Aŋakiro a ŋun, pa apedorit ayoŋ akidaŋidaŋakin jik; ido abu eyaku Timoteo, ikotere oyenunia epite ŋolo eyakar anupit kus, anerae akuryanit ayoŋ atemar acepaki kedau Satan eketemon akitem iyes ka aruwor etic kosi ekoŋinait!

1 Tim. 1:19

ido torubak irae ŋolo inupit ka ŋolo ecayete ŋatameta. Aŋero ŋituŋa ŋice akipup ŋuna ecayete anatameta kec, tosodi enyasut anupit kec.

Ŋibur. 10:39

Meere iwon ŋituŋa ŋulu ikikutukutoori, ido omunyaros, nai ikirae iwon ŋulu ikinupit, ido oiunos.

Yak. 2:26

Ikwaŋinapei etwanitor akuwan emam etau, anupit daŋ etwanit emam ŋiticisyo.

2 Pet. 2:20

Ani kebucun ŋituŋa anapedorosyo a ŋuna aronok a ŋuna ka akwap, alotooma ayenut Ekapolon ka Ekaiunan yok Yesu Kristo, ido kikamut ka kilout ŋuna aronok ikes nabo, eruwor ŋituŋa ŋul ŋulu aronok nooi akilo eyakae kec ŋolo sek ke ekiŋaren.

2 Pet. 2:22

Ŋuna apotu kitiyakin neni kec, itoodiunito atemar iyookino ŋakitadapeta nu, “Eboŋokini iiŋok akinyam ŋalyakan keŋ” ka “Epege ŋolo adaun akilotar, eboŋori akibelibelo alocoto.”

1 Yoa. 2:19

Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

Yud. 1:12

Anasuban kus a ŋuna ka aminanar, ikote ikes aŋoryanut, anerae elaerikinito amata nooi kaapei ka iricakinito ŋawat kec make anakimuj. Ikote ikes ŋidouwon ŋulu nyilimete, ŋulu ekutanari ekuwuam, ŋikito ŋulu emam ŋaraito nakamu, ŋulu etwakito kire torutunoe.