Luk. 7:42 - Ebaibul

⁴² Aŋuna pa apedoryata ikes akitac iŋes, abu tojal ŋamicae ŋun daadaŋ. Ali alokidiŋ ŋuluarei ŋul eminakini iŋes nooi?”

Luk. 7:42 Iomraidhean Croise

2 Sam. 14:13

Kiŋit aberu ŋin iŋes tema, “Kaanukiro bo idaunia iyoŋ ayere akitiya ŋakiro ŋun neni a ŋituŋa ka Akuj? Ani mono ŋina elimunio erwosit ŋakiro ŋuna ikote ŋun, nyerae mono asecit aneni keŋ a? Erae ŋun asecit, anerae eriŋa iŋes nyinyakuna lokoku keŋ ŋolo abu toem iwace.

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Mat. 18:27

Tosodi ekapolon kisyoni eketiyan ŋol, kikisa tari eden, tolacak iŋes tolot.

Mat. 18:34

Toŋo ekapolon nooi, kipotok iŋes mabus toenae akitodol neni etaca eden daadaŋ.”

Mat. 6:12

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Luk. 7:43

Toboŋok Simoni tema, “Atami ayoŋ ŋolo ajalakinio ŋidinari ŋulu alalak.” Tolimok Yesu iŋes tema, “Ilimu iyoŋ iyookino.”

Ŋirom. 3:24

Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio.

Ŋirom. 5:6

Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋikol. 3:13

Todaŋas make ka kisyonios make ŋapakio daadaŋ ŋuna eyakar idio kus akitakadakinet neni a ŋinice. Itemokino kisyonios make, ikwapei adaunia Ekapolon akisyon iyes.