Luk. 7:38 - Ebaibul

³⁸ Min iŋes kaku nakejen a Yesu igworo, kitapapal ŋakejen a Yesu a ŋakiyo keŋ, toninaiya nai iŋes ŋakejen a ŋitim keŋ, tonu, kiwosak akimyet.

Luk. 7:38 Iomraidhean Croise

Akisy. 18:4

Kimyek kare ca yaunae ŋakipi ŋadi kilotaryata iyes ŋakejen, ido kieŋut a lokitoe.

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Ŋikiru. 38:18

Alimori ayoŋ aronis kaŋ; aki ayoŋ asecit kaŋ.

Ŋikiru. 51:17

Ŋamuronisya ŋuna ecamit Akuj, ikes ŋuna a ŋituŋa a ŋulu itiditeuna alotai kec. Okoe Akuj, nyiŋeri iyoŋ ŋituŋa ŋulu itiditeuna ka ekiito alotai kec.

Ekal. 9:8

Torubakisi jwi jwi inapito ŋilowi ŋulu ka apolou ka iosasi akimyet.

Eete a Ŋie. 1:3

ekukuny ŋamyeta ŋuna iosa iyoŋ, ejok nooi ekiro kon ikwaan ka akimyet ŋina akukunyon ŋina ebukokina kwap, aŋun, ikiminasi iyoŋ ŋapesur.

Isa. 57:9

Ipotu iyes toloto neni a Molek itiŋito akimyet ka ipotu kitalalata ŋamyeta ŋuna akukunyok. Ipotu iyes kiyakiyasi ŋituŋa neni alwanan, ipotu kiyakiyasi tari tooma nakibois a ŋikatwak.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mat. 5:4

Erereŋ ŋulu iyaloloŋete; ebuni Akuj akisirworiun ikes.

Luk. 22:62

Toloma Petero kiŋa, kigwor nooi.

Luk. 6:21

“Irereŋ iyes ŋulu ikinyamit akoro tokona; ikisimwokyo iyes rwanu! “Irereŋ iyes ŋulu igworosi tokona; ikyeniyete iyes rwanu!

Luk. 7:37

Ayai nen aberu ŋina ke etaun ŋina arae akasecan nooi. Ani iirari iŋes atemar imujete Yesu kaapei ka Eparisayot, tolot iŋes nen etiŋit ecupa ŋolo eleleba akimyet ŋina akukunyon.

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

Yoa. 11:2

(Arae Maria na ŋina eosakini akimyet ŋina akukunyon nakejen a Yesu, ido toninaiya a ŋitim keŋ. Lokaato keŋ Lasaro iŋes adyaka).

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!