Luk. 7:37 - Ebaibul

³⁷ Ayai nen aberu ŋina ke etaun ŋina arae akasecan nooi. Ani iirari iŋes atemar imujete Yesu kaapei ka Eparisayot, tolot iŋes nen etiŋit ecupa ŋolo eleleba akimyet ŋina akukunyon.

Luk. 7:37 Iomraidhean Croise

Mat. 21:31

Ali alosapa a ŋuluarei a ŋul abu kitiya ŋuna acamit papa keŋ?” Toboŋokis ŋituŋa temasi, “Ŋolo apolon.” Tolimok Yesu ikes tema, “Akalimokini ayoŋ iyes kire atemar, elomarete ŋikerirak ocur ka ŋamalaae Napukan ka Akuj eriŋa iyes.

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Luk. 19:7

Togeut ŋituŋa daadaŋ ŋulu eteete iŋes akiŋuruŋura ebasi, “Alot ituŋanan en aruwor epeyonon ŋolo ke ekasecan!”

Luk. 5:30

Tosodo Ŋiparisayon ŋice ka ŋiketatamak a Ŋikisila ŋulu arukito ka iŋes, kiŋuruŋurakinos, kiŋita ŋikasyomak a Yesu temasi, “Nyo imujata ka imasyata iyes ka ŋikerirak ocur ta ŋikasecak?”

Luk. 5:32

Nyabunit ayoŋ anyarare ŋulu iyookino, nai ŋikasecak, ikotere tokiwa ŋasecisya kec.”

Luk. 7:34

Abu Lokoku a Ituŋanan, imuji ka emasi epiini; nai itemasi iyes, ‘Kiŋolikisi ekadakan ka ekameran, ekone a ŋikerirak ocur ka ŋikasecak!’

Luk. 7:36

Tonyarau Eparisayot Yesu akimuj ka iŋes, tolot nai iŋes kai ke Eparisayot akimuj.

Yoa. 11:2

(Arae Maria na ŋina eosakini akimyet ŋina akukunyon nakejen a Yesu, ido toninaiya a ŋitim keŋ. Lokaato keŋ Lasaro iŋes adyaka).

Yoa. 9:24

Tonyarata ikes nabo ŋolo sek amudukana, tolimokis iŋes temasi, “Kikoŋ alokiŋaren Akuj atemar ilimuni iyoŋ ŋuna a kire; ikiyeni isua atemar ekasecan ekile ŋolo kikitekienyuni iyoŋ.”

Yoa. 9:31

Ikiyeni iwon atemar nyepupi Akuj ŋikasecak, epupi ŋulu ekerito iŋes bon ka ŋulu itiyaete ŋuna ecamit iŋes ikes kitiyata.

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

1 Tim. 1:9

Itemokino iwon oyenete atemar nyeyeunitae Ŋikisila aŋuna a ŋituŋa a ŋulu iyookino, nai aŋuna a ŋulu ebilibiliyete Ŋikisila ka ŋulu eŋerito akipukao, aŋuna a ŋulu nyenupito Akuj, ŋikasecak, aŋuna a ŋulu nyesegak alotai ka ŋulu ejamuwarito Akuj, aŋuna a ŋulu earete atapapa kec kori atatoto kec, ka ŋikaarak,

1 Pet. 4:18

Ikwapei igiritere Nakigireta atemar, “Ani nai ketyono aiun ŋulu ajokak, nyo nai itiyakin neni a ŋikasecak a ŋulu eŋerito Akuj?”