Luk. 7:33 - Ebaibul

³³ Abu Yoana Ekebatisan; eroneene ka nyemasi epiini daŋ; itemasi iyes, ‘Ikamunit iŋes ekipye.’

Luk. 7:33 Iomraidhean Croise

Mat. 10:25

Itemokino ekasyoman kikoni eketataman keŋ ka eketiyan kikoni ekapolon keŋ. Ani kenyaritae ekapolon ŋolo ka akai atemar Belesebul, enyarao ŋituŋa ŋulu ka akai a ŋin a ŋirorwa a ŋulu aronok nooi.

Mat. 3:1

Alorwa a ŋul, bu Yoana Ekebatisan tolimonok analoŋisat a ŋina a Yudaya

Mat. 3:4

Anapit Yoana elou ŋolo etiyaunitae a ŋajul a ŋuna ke ekaal, tonapite arokoba anacir keŋ, kimuji emaase ka ao analoŋisat.

Mar. 1:6

Anapit Yoana elou ŋolo etiyaunitae a ŋajul a ŋuna ke ekaal ka tonapite arokoba anacir keŋ, kimuji emaase ka ao analoŋisat.

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Luk. 7:32

Ikote ikes ŋidwe ŋulu iboiyete alomaket. Enyarae epeiwae kec ŋuluce temasi, ‘Ikipotu isua okutakisi arupepe, nai nyimomworikis iyes; aponi isua kikalounoe aŋuna ka atwanare, nai nyiluuro iyes.’

Luk. 7:34

Abu Lokoku a Ituŋanan, imuji ka emasi epiini; nai itemasi iyes, ‘Kiŋolikisi ekadakan ka ekameran, ekone a ŋikerirak ocur ka ŋikasecak!’

Yoa. 10:20

Temasi ŋulu alalak, “Eyai ekipye neni keŋ! Kiruma ŋikerep iŋes! Nyo epupere ŋakiro keŋ?”

Yoa. 8:48

Kiŋita Ŋiyudayan Yesu temasi, “Pa nai ikiyookinit isua ikibala irae iyoŋ Esamaritanoit ka eyai ekipye neni kon a?”

Yoa. 8:52

Tolimokis Ŋiyudayan Yesu temasi, “Kire ikidau isua tokona aanyun atemar eyai ekipye neni kon. Abu Aburaam totwan, totwaka tari ŋikadwarak daŋ; nai ibala iyoŋ ebe ‘Ŋini iricakini ŋakiro kaŋ, nyetwani jik.’

Ŋitic. 2:13

Nai tokyenatar ŋice ikes temasi, “Emerasi ŋituŋa lu!”