Luk. 7:16 - Ebaibul

¹⁶ Totaaŋaŋa ŋituŋa daadaŋ kitopoloosi Akuj temasi alokabule kec, “Kedolu ekadwaran ŋolo apolon kidiŋ yok. Abu Akuj aiun ŋituŋa keŋ!”

Luk. 7:16 Iomraidhean Croise

Ŋikiru. 65:9

Itoodiunit iyoŋ epite ŋolo iminar akwap anainanakin akiru; iwuanakini iyoŋ ebari ŋolo alalan nakwap. Ilelebyanakini iyoŋ ŋakipi naŋololin; itaraenene iyoŋ ŋikinyom anakwap. Epite ŋol iŋes itemonokinio iyoŋ akwap.

Awos. 4:31

Tonupa ŋituŋa ŋakiro ŋun; ani iirarete ikes atemar adau Ekapolon akiirar akigworo a Ŋisirael ka eŋolik ŋican ŋulu eryamunito ikes, apotu Ŋisirael toryediko kijuuroto kilipa.

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Mat. 15:31

Aŋun, toumokis ŋasepico a ŋituŋa eanyuwarete ŋituŋa ŋulu sek pa erworosi, irworosi, ŋikaŋwalak eŋaleunete ka ŋulu ecodok ejokunete ta ŋimudukanotin ekienyunete. Tosodo ŋituŋa ŋul daadaŋ kipuro Akuj ŋina a Isirael.

Mat. 21:11

Toboŋokis ŋasepico a ŋituŋa temasi, “Erae ŋol ekadwaran, Yesu ŋolo a Nasaret anakwap a ŋina a Galileya.”

Mat. 28:8

Aŋun, torotokis ikes atipei analyal ebulit ka elakara nooi; toŋeda alimokin ŋikasyomak a Yesu ŋakiro daadaŋ.

Mat. 9:8

Ani iŋolikinete ŋasepico a ŋituŋa ŋuna apotu totakanut, tobul ikes, kipuro Akuj aŋuna keinakinia ŋituŋa apedor ŋina etya ŋin.

Luk. 1:65

Min akuryanu lokidunyet daadaŋ, tokeikin daŋ ŋakiro ŋun akwap ŋina a Yudaya daadaŋ ŋina a ŋikamukumukui.

Luk. 1:68

“Kipuroe Ekapolon Akuj a Isirael, anerae abu iŋes lotuŋa keŋ alacakin ikes.

Luk. 19:44

Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”

Luk. 2:20

Toboŋosi ŋikeyokok ipurosi ka emaete Akuj, aŋuna a ŋakiro a daadaŋ a ŋuna eirarete ikes ka ŋuna eŋolikinete daŋ, ikoŋinapei alimokinitere ikes.

Luk. 24:19

Tema Yesu iŋisi ikes, “Anukiro?” Toboŋokis ikes temasi, “Ŋakiro ŋuna etiyakin neni a Yesu a ŋolo a Nasaret. Arae iŋes kire ekadwaran ŋolo ka Akuj, ŋolo etiyae ŋakujuwuanisya, nabo etatami ŋakiro ŋuna apolok alokiŋaren Akuj ka alokiŋaren ŋituŋa.

Luk. 5:26

Totaaŋaŋa ŋituŋa daadaŋ nooi! Kitopoloosi Akuj temasi alokabule kec, “Okoe! Ikiŋolik nakoloŋit na ŋakiro ŋakapolok!”

Luk. 5:8

Ani iŋolikini Simoni Petero ŋakiro ŋuna apotu kitiyakin, toryedik alokiŋaren Yesu tema, “Ekapolon, kiyotok aneni kaŋ, anerae arae ayoŋ ekasecan!”

Luk. 7:15

Kiboikin edya ŋolo sek atwanit togeu erwor, tosodi Yesu inak iŋes neni a toto keŋ.

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

Luk. 8:37

Apotu nai ŋituŋa ŋulu ka akwap a Gadara kiŋitakis Yesu alosit iwace, anerae abu tobul ikes nooi. Todoka nai Yesu nataker, toboŋo.

Luk. 9:19

“Ebasi mono ŋituŋa ŋae ayoŋ?” Toboŋokis ikes temasi, “Yoana Ekebatisan, nai ebasi ŋice irae iyoŋ Eliya, nabo daŋ ŋice ebasi irae iyoŋ epei alokidiŋ ŋikadwarak ŋulu ŋorok ayaru.”

Yoa. 1:21

Kiŋita nai ikes iŋes temasi, “Ŋae nai iyoŋ? Eliya a?” Toboŋok Yoana ikes tema, “Meere.” Kiŋita nabo temasi, “Irae iyoŋ ekadwaran a?” Toboŋok iŋes tema, “Meere.”

Yoa. 1:25

“Kaanukiro nai ibatisaa iyoŋ ŋituŋa, erae pa kirae iyoŋ Kristo, Eliya kori ekadwaran?”

Yoa. 4:19

Tolimok aberu iŋes tema, “Ekapolon, aanyu ayoŋ atemar irae iyoŋ ekadwaran.

Yoa. 6:14

Ani iŋolikinete ŋituŋa akujuwuanut ŋina abu Yesu kitiya, kisyakis atemar, “Kire erae lo ekadwaran ŋolo itemokino bu nakwap!”

Yoa. 9:17

Kiŋita nabo Ŋiparisayon ekile ŋol temasi, “Itami tokona iyoŋ atemar ŋae ekile ŋolo ikitekienyuni iyoŋ?” Toboŋok iŋes tema, “Erae iŋes ekadwaran.”

Ŋitic. 5:5

Ani iirari Anania ŋakiro ŋun, topokor, totwan. Tobul ŋituŋa daadaŋ ŋulu eirarete ŋakiro ŋun.

Ŋitic. 7:37

Arae lo Moses ŋolo alimokini Ŋisirael tema, ‘Iyakuuni Akuj neni kus ekadwaran ŋolo ikoni ayoŋ, ebuni iŋes alokidiŋ kus pei.’

Ŋigal. 1:24

Aŋun, apotu ikes kipuro Akuj, aŋuna abu iŋes kitiya neni kaŋ.

Ŋikis. 18:15

Ebuni Ekapolon Akuj kus aseun aŋuna kus alotuŋa kus ekadwaran ece ŋolo ikikwaan ka ayoŋ, emaikina iyes kiwuapa ŋakiro a ekadwaran a ŋol.