Luk. 6:48 - Ebaibul

⁴⁸ Ikoni iŋes ekile ŋolo aduki akai. Tobok iŋes akipany, kidulo tari natabab, todukok akisyakinet nen. Toleleu akalele, kilap aŋolol, tonaŋ akai ŋin; nai nyiryaŋak, anerae adukuk nooi.

Luk. 6:48 Iomraidhean Croise

2 Sam. 22:2

Tema iŋes, “Ekapolon iŋes erae ataaba kaŋ ŋinakiupala, aduketait kaŋ ŋina ajio alotooma ka ekaiunan kaŋ,

2 Sam. 22:32

ŋae mono erae Akuj alemar Ekapolon? ŋae ekaiunan yok ece alemar Akuj yok?

2 Sam. 22:47

Eyari Ekapolon! Kipuroe ataaba kaŋ ŋina kiupala, kitopolooroe Akuj kaŋ, ataaba ŋina kiupala, ŋina ka aiuno kaŋ,

2 Sam. 22:5

“Apotu ŋirotin ŋulu ka atwanare okorapuwasi ayoŋ, apotu ŋirotin ŋulu ka amunyaro kipiiyaun, ekesiiryakis ayoŋ neni aronon;

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

Ŋikiru. 32:6

Aŋun, emaikina ituŋanan daadaŋ ŋini enupit neni kon kilip neni kon; anapakio a ŋuna a ŋican a ŋulu alalak nyeryamunete ikes ŋican ŋul.

Ŋikiru. 62:2

Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

Ŋikiru. 95:1

Potu, epuro Ekapolon; oeikisi ka alelyanu neni ka Akuj a ŋina erae akaiunan yok!

Ŋakit. 10:25

Ani ŋinibore eponianata ŋatyokisyo, edaunun ŋulu aronok, nai eiuna a ŋinapaki ŋituŋa ŋulu iyookino.

Isa. 26:4

Kikinyoma Ekapolon ŋikaru ka ŋikaru, anerae Ekapolon Akuj, iŋes erae neni iryamuniata iyes aiuno ŋina a ŋikaru ka ŋikaru,

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 59:19

Aŋun, itopoloorete ŋulu iboiyete alo To ekiro a Ekapolon; itopoloorete ŋulu iboiyete alo Kide apolou Ekapolon, anerae ebuni iŋes esibit akalele ŋina inuta nooi, ŋina erae apedor a Ekapolon inutar nooi.

Naum 1:8

tari anakalele a ŋina ipuma nooi. Emunyari Ekapolon ŋimoe keŋ, iwuapari ŋimoe keŋ tari nakiryonut.

Luk. 6:47

Ituŋanan ŋini ebuni neni kaŋ, kiira ŋakiro kaŋ kitiya ikes, eketoodikini ayoŋ iyes neni ikoni iŋes.

Luk. 6:49

Nai ŋini iirari ŋakaakiro nu nyitiya, ikoni iŋes ekile ŋolo aduki akai kwap emam akisyakinet ŋina ajokan. Kilap aŋolol, tonaŋ akai ŋin, toritakin daadaŋ atipei, kinyasun akai ŋin nooi.”

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikis. 32:18

Ipotu iyes nyimitakis Akuj ŋina erae papa kus, abu ikimuryak iyes Akuj ŋina ikisubuni iyes.

Ŋikis. 32:31

Kire nyikwaan ekaiunan kec ka ŋolo yok, ebaŋaaka ŋimoe yok.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

2 Pet. 1:10

Aŋun, ŋikaitotoi kaŋ, kimukekisi nooi kitogogoŋo anyarauno ka aseuno kus. Ani kitiyata ikoŋina, nyibusokinosi jik.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

Yud. 1:24

Epedori Akuj akiyok iyes nyikiguk ananupit ka ikiyau iyes emam asecit ka iyakatar alelyan tooma nakica ŋina ka apolou.

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.