Luk. 6:30 - Ebaibul

³⁰ “Inak ŋinituŋanan ikilipi iyoŋ; ŋini ikidemari iyoŋ ŋikoniboro, nyiŋit akinyakakino.

Luk. 6:30 Iomraidhean Croise

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 41:1

Erereŋ ŋituŋa ŋulu iŋarakinito ŋikulyak; elakuni Ekapolon ikes anapakio a ŋuna a ŋican.

Ŋakit. 19:17

Ituŋanan ŋini erimaana aneni a ŋikulyak, einanakini ŋiboro keŋ neni a Ekapolon tari kerae ŋikulyak ijanarete, ido einakinio nabo ituŋanan ŋin eropit ŋolo alalan.

Ŋakit. 21:26

Apaaran jwii eyakar ikalanyanot ekibure ŋolo ka aryamun ibore idio, nai einanakinete ŋulu iyookino, nyewounitotor ibore ŋini eyakatar ikes.

Ŋakit. 22:9

Eryamuni ituŋanan ŋini emorete ka ŋuluce ŋiboro ŋulu eyakar arereŋu, anerae emorete iŋes ka ŋikulyakanotin akimuj keŋ.

Ekal. 11:2

Totyakatyakata ibore ŋini iyakatar iyes kijokonokis ŋituŋa ŋikanikaarei, kori ŋikanikauni, anerae nyiyenete iyes ŋican ŋulu ipedorete iyes aryamun anakwap a na.

Ekal. 8:16

Ani ekatakini ayoŋ atamatam ayenun ŋuna ka aosou ka akiŋolikin ŋiticisyo ŋulu itiyao anakwap, ayenun ŋuna nyecamitotor ŋituŋa akieŋun tojotoor naparan, kori nakwaare,

Mat. 18:35

Toŋetak Yesu ebala, “Itiyakini Papa kaŋ ŋolo anakuj ikwaŋinapei neni kus erae pa kisyon ŋinituŋanan lokaato keŋ alotau.”

Mat. 5:39

Nai akalimokini ayoŋ iyes atemar, nyitacakis aronis ka aronis. Ani kikibap iyoŋ ituŋanan lokeli ŋolo aloteten, inak iŋes ŋoloce daŋ.

Mat. 6:12

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Luk. 11:41

Nai inakisi ŋiboro ŋulu eya tooma kus lokulyak, ikotere tosegyar ibore daadaŋ aneni kus.

Luk. 12:33

Togyelasi ŋikusiboro daadaŋ, inakis ŋisiliŋa lokulyak. Kitiyautu ŋicweei ŋulu emam nyenyamunosi. Kiwuaa ekusibari anakuj, aneni nyediteunia tari iwadio cici, anerae emam ekokolan eapiyari nen, nabo emam esipiran ŋolo inyasuni iŋes.

Luk. 18:22

Ani iirari Yesu ŋakiro ŋun, tolimok iŋes tema, “Ipeibore bon ikibucit iyoŋ: togyela ibore daadaŋ ŋini iyakar iyoŋ, tokorak ŋisiliŋa lokulyak, ikotere min ebari kon nakuj. Ani ekaku, ibu ikiwuapak ayoŋ.”

Luk. 6:29

Ani kikibap iyoŋ ituŋanan lokeli, inak ŋoloce daŋ; ani ikidemari ituŋanan iyoŋ ekoti, inak esati daŋ.

Luk. 6:31

Kitiya neni a ŋuluce, ŋuna icamit iyoŋ ikes kitiyata neni kon.

Luk. 6:38

Kipotonorete neni a ŋuluce, ikiinakini Akuj iyes etyae ŋolo ajokan idicakinitae, ŋolo iyaŋiyaŋakinitae ka ŋolo ilapanar; iŋes iwuakini Akuj locwee kon. Etyae ŋolo iinakinete iyes, iŋes ikiinakinio iyes daŋ.”

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋiep. 4:28

Tojoŋo ekademanaran ademanar, nai emaikina togeu akitiya etic, ikotere toryamu eropit aŋuna ke etic keŋ ka topedo tari akiŋarakin ŋulu iitanito akiŋarakino.