Luk. 6:25 - Ebaibul

²⁵ “Ekaŋ iyes ŋulu imwokito tokona; anerae ikinyami iyes akoro! “Ekaŋ iyes ŋulu ikyenasi tokona; iyaloloŋete ka igworete daŋ!

Luk. 6:25 Iomraidhean Croise

Ŋikiru. 49:19

elosete ikes akimorikin ka atapapaa kec, ŋulu emam nabo jik nyiŋolikinete akica.

Ŋakit. 14:13

Tari kekyena ituŋanan, imunonit akiyaloloŋ ŋina eyakar, adaun alelyanu bon anituŋanan, elomuni akiyaloloŋ.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Ekal. 2:2

Abu ayoŋ otema ŋuna ka akyena ebe, “Erae ŋimasimas” ka ŋuna ka alakara ebe, “Nyo aryamuni ayoŋ anakitalakanar?”

Ekal. 7:3

Ejok akiyaloloŋ akilo akyena, epedori akiyaloloŋ akitisiliyor ereet a ituŋanan, nai ikituruwori ŋini epatana ayenun ŋakiro.

Ekal. 7:6

Ikwaan ekyeniye a ŋibaŋaanotin ka eruye a ŋinya a ŋulu enomi akim. Erae ŋun daŋ ŋakoŋinae.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 65:13

Aŋun, alimu Ekapolon Akuj ebe, “Imujete ŋiketiyak kaŋ, nai ikinyami iyes akoro; emasete ŋiketiyak kaŋ, nai ikinyami iyes akure, elelyanete ŋiketiyak kaŋ, nai ikisirumyo iyes ŋileec.

Isa. 8:21

Irimete ŋituŋa akwap ekadakinit ka enyamit akoro eŋoyete ikes nooi tolomakis akicen erwosit kec ka ŋakujo kec. Ireorete ikes kidiama,

Isa. 9:20

Iudaete a ŋakan kec aŋuna aloteten nai erubakini akoro enyamit, imujete ŋituŋa a ŋakan kec a ŋuna alokedyeny nai nyimwokete. Enyami ŋinituŋanan akuwan a ituŋanan keŋ pei.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Luk. 12:20

Nai tolimok Akuj iŋes tema, ‘Iyoŋ ebaŋaanot! Lolo nakwaare iitanio akiyar kon; ŋae irumi ŋiboro daadaŋ ŋulu icunit iyoŋ aŋuna ka akonikiyar?’ ”

Luk. 13:28

Ikalounete iyes nooi, ikonyanakinete ŋikusikyal apaki ŋina iŋolikiniata Aburaam ka Isaka ka Yakobo ta ŋikadwarak daadaŋ eyakasi Napukan ka Akuj, nai ani eruwor iyes itogolor kiŋa!

Luk. 6:24

“Ekaŋ iyes ŋulu ibarito; idaut iyes aryamun alakara kus!

Luk. 6:26

“Ekaŋ iyes ŋulu ikipuroe tokona; atapapaa kec daŋ koloŋ ekote neni ipurosi ŋikadwarak ŋulu alyokonok.

Luk. 8:53

Tokyenatar daadaŋ iŋes, anerae ayenete atemar atwanit apese kire.

Ŋiep. 5:4

Nyejok daŋ iyes irworosi ŋakiro ŋuna a ŋileec, ŋuna a ŋiyany kori ŋuna ke erasi. Nai itemokino tolakanaros neni ka Akuj.

1 Ŋites. 5:3

Erae apaki ŋina etemaryata ŋituŋa ebe, “Eyai ekisil ka emam awasya,” iŋes atipei eŋesunor akinyasuno neni kec! Eŋesun iŋes lopite ŋolo eŋesunor aryebo neni ka aberu a ŋina eapi akidoun, ka emam ŋituŋa ebucarosi.

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.

1 Sam. 2:5

Ilejilejete tokona akimuj ŋituŋa ŋulu paaran ayakatar akimuj, nai nyeriŋa akoro enyamit ŋulu anyamit akoro, adau aberu ŋina amamu ŋidwe auruun ŋidwe ŋikanikaarei, nai aberu ŋina sek ayakar ŋidwe ŋulu alalak, mam ipei daŋ idoŋit.