Luk. 6:20 - Ebaibul

²⁰ Kiŋolik Yesu ŋikeekasyomak tema, “Irereŋ iyes ŋulu ikulyakaka; Apukan ka Akuj erae ŋina kus!

Luk. 6:20 Iomraidhean Croise

Ŋikiru. 37:16

Ejok ibore ŋini eyakar ituŋanan ŋini iyookino tari kedit ibore ŋin, akilo ebari ŋolo alalan ŋolo aronok a daadaŋ,

Ŋakit. 16:19

Ejok aruwor ituŋanan ŋini iapara alotau torukito ka ŋikulyak, akilo aryamunun aneni a ŋiketurok ibore ŋini eŋatunitae.

Ŋakit. 19:1

Ejok araakau ŋini ijok ŋini irworo ŋuna a kire, akilo araakau ŋini ibaŋaana ŋini irworo alyokonu.

Isa. 29:19

Eryamunete ŋulu iyapara alelyanu ŋina kitete aneni ke Ekapolon ka itopoloorete ŋulu eyakatar akiitanit alotuŋa a Ekapolon Akuj ŋina a Isirael ŋina asegan;

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Sepan. 3:12

Nai emyekini ayoŋ aneni kus, ŋituŋa ŋulu itiditeuna ka ŋulu iyapara, ŋituŋa ŋulu iwarete aiuno aneni kaŋ a Ekapolon.

Sakar 11:11

Aŋun, aponi kikisarae acamunet akoloŋit ŋin. Eteete ŋimucurus a ŋamesekin etiyae ayoŋ ŋun, ido apotu toyenut atemar erworo Ekapolon alotooma ŋuna etiyae ayoŋ.

Mat. 11:5

Ekyenyununuyete ŋimudukanotin, erotonokinete ŋikaŋwalak, esegununuyete ŋulu irumit atapon, iiranarete ŋikiŋimanotin, eyarununuyete ŋikatwak, nabo elimonokinio Ŋakiro ŋuna Ajokak neni a ŋikulyak.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 5:1

Ani iŋolikini Yesu ŋasepico a ŋituŋa eponito, todoka kidiama emukura. Ani kiboikin iŋes tocunun ŋikeekasyomak,

Luk. 12:32

“Nyikuryaketa iyes erae kikudyoko daŋ! Anerae iwarit Papa kus ainakin iyes Apukan keŋ.

Luk. 13:28

Ikalounete iyes nooi, ikonyanakinete ŋikusikyal apaki ŋina iŋolikiniata Aburaam ka Isaka ka Yakobo ta ŋikadwarak daadaŋ eyakasi Napukan ka Akuj, nai ani eruwor iyes itogolor kiŋa!

Luk. 14:15

Ani iirari ipei a ŋulu emujete ka Yesu ŋakiro ŋun, tolimok iŋes Yesu tema, “Erereŋ nooi ŋulu iboikinosi kimuja a Napukan ka Akuj!”

Luk. 16:25

“Nai abu Aburaam tolimok iŋes tema, ‘Lokoku, toyeni atemar anakiyar kon, iboi iyoŋ neni ajokan, kiboiye Lasaro neni aronon; nai tokona eyai iŋes nege nalakara ka iyai iyoŋ napipilu.

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

2 Ŋikor. 6:10

tari kikisiyaloloŋitoe daŋ, ikilelyani isua jwi jwi; kikisibit ŋikulyak daŋ, nai ikitabarenene isua ŋituŋa ŋulu alalak, kesibit emam ibore ikiyakar daŋ, ikiyakar kire ŋiboro daadaŋ.

2 Ŋikor. 8:2

Aponi ikes kitemoe nooi alocan a ŋulu apotu ikes kitoro; nai abu alelyan kec ŋina alal kitirimaan ikes anainanakin, tari kekulyakaka daŋ nooi.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

1 Ŋites. 1:6

Ipotu iyes ikituputo isua ka Ekapolon, anerae ipotu kijaut ŋakiro ŋuna ka Akuj ka alakara a ŋina ebunit aneni ke Etau a ŋolo Asegan, tari ŋina daŋ iponiata iyes toryamuniata ŋican ŋulu alalak.

2 Ŋites. 1:5

Itoodiunito ŋakiro ŋun daadaŋ atemar iyookino epite ŋolo etubokinia Akuj; aŋun, iruworosi iyes ŋulu emaikina alomar Napukan ka Akuj, Apukan ŋina tokona iryamunitotor iyes ŋican aŋuna keŋ.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Akis. 2:9

Ayeni ayoŋ ŋatyokisyo kon ka ayeni ayoŋ atemar ikulyakana iyoŋ, nai kire ibarit! Ayeni ayoŋ tari ŋuna aronok ŋuna ikirworotor iyoŋ ŋituŋa ŋulu ebasi ebe ikirae ikes Ŋiyudayan, nai nyerae; eraakasi ikes atukot ŋina a Satan!

1 Sam. 2:8

Einanakini alakara neni a ŋulu a ŋican, einanakini alakara neni a ŋulu eyai akiitanit; ituruwonori ikes ŋikonei a ŋidwe a ŋikapolok, ido itopoloonori ikes. Erae ŋawoeta a akwap ŋuna ke Ekapolon; adau Ekapolon adukokin akwap nawoeta ŋun.