Luk. 6:11 - Ebaibul

¹¹ Toŋoa ikes nooi, kisyakis atukun ŋuna kitiyakina neni a Yesu.

Luk. 6:11 Iomraidhean Croise

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Mat. 16:7

Kirworikis ikes make temasi, “Irworo iŋes ŋun, anerae nyeyaunitae iwon ŋamugati.”

Mat. 21:45

Ani iirarete ŋisacaradotin ŋulu apolok ka Ŋiparisayon ŋakitadapeta ŋun, toyenut atemar arae ikes erworor Yesu.

Luk. 4:28

Ani iirarete ŋituŋa ŋulu aya losinagoga ŋakiro ŋun, toŋoa nooi.

Luk. 6:10

Kitek Yesu ikes daadaŋ a ŋipeipei, ido tolimok ekaŋwalan tema, “Toriyo akan kon.” Toriyo nai iŋes akan keŋ, toŋaleu.

Luk. 6:12

Apaki ŋin, tolot Yesu lokamukumukut akilip; kiboi iŋes a nen akuwar kya, ilipi neni ka Akuj.

Yoa. 11:47

Tocunakinos nai ŋisacaradotin ŋulu apolok ka Ŋiparisayon Natukot kec temasi, “Okoe, ikikokini ai? Kire itiyae ekile lo ŋakujuwuanisya ŋuna alalak.

Yoa. 7:1

Kedaun ŋun, abu Yesu tolot nakwap ŋina a Galileya; pa acamit iŋes alosit Yudeya, anerae ewarito ŋikarikok a Ŋiyudayan akiar iŋes.

Ŋitic. 26:11

Abu ayoŋ jwi jwi esican ikes alosinagogae a daadaŋ aŋuna ka akitiŋakin ikes akiŋer anupit kec; ido anyunyurikina ayoŋ ikes nooi, esican tari alotaunio a ŋulu agelaaka.

Ŋitic. 4:15

Aŋun, kitolomarae ikes a Natukot, kidoŋo ikes atuko make.

Ŋitic. 4:19

Nai toboŋokis Petero ka Yoana temasi, “Totubutu iyes ŋilopeyek ŋuna iyookino alokiŋaren Akuj--akiwuap ŋakiro kus kori ŋuna ka Akuj.

Ŋitic. 5:33

Ani iirari Atukot ŋakiro ŋun, toŋo nooi, kiitan akiar ikes.

Ŋitic. 7:54

Ani iirarete ŋituŋa ŋulu ka Atukot ŋakiro a Stepano, toŋoa ikes nooi, tonyoridido ŋireetin kec aŋuna keŋ.

2 Tim. 3:9

Nai nyerubakinete ikes itiyaete ŋun, anerae eyenunete ŋituŋa daadaŋ abaŋao kec. Ŋunapei ŋun apotu totakanikis neni a Yane ka Yambure.