Luk. 5:5 - Ebaibul

⁵ Tolimok Simoni iŋes tema, “Eketataman, ikitiya isua akuwar kya, nai emam ibore ikikam ipei daŋ. Ani bo ca tokona kilimunit iyoŋ ikoŋina, acakakini ayoŋ ŋatibae nanam.”

Luk. 5:5 Iomraidhean Croise

Esek. 47:10

Erubakinete ŋituŋa ewuaasi a nen ikamete ŋikolya alodiyete anam ageun alocowa a ŋolo a Gedi tari locowa ŋolo a Egilaim. Eruwor nen akibois ŋina epetanakinio ŋatibae tooko, eyakaun nen ŋikolya ŋulu alalak ŋulu egelegelya ŋikabilae, ikwaanikin ŋikolya a nen ka ŋulu anam Mediteranian.

Luk. 17:13

Kiworout ikes ebasi, “Yesu Eketataman, kisyoni isua!”

Luk. 8:24

Kiyotosi ŋikasyomak neni a Yesu, kitekienyut iŋes temasi, “Eketataman, Eketataman! Edikino ikitwaki.” Tonyou Yesu, kikilyak ekuwuam ka ŋakipi ŋuna emorokokoete, todipakinos ikes, kililiŋ akwap cek.

Luk. 8:45

Kiŋit Yesu tema, “Ŋae ŋini akatap ayoŋ?” Topega ŋituŋa daadaŋ ŋun, ido tema Petero, “Eketataman, ikilukakinito iyoŋ ŋituŋa kidiŋ ka ikijukito daŋ.”

Luk. 9:33

Ani erotokinete Moses ka Eliya, tema Petero neni a Yesu, “Eketataman, ejok nooi iwon akiboi a nege! Kimyekinae isua odukutu ŋitogoi ŋiuni, epei ŋolo kon, epei ŋolo a Moses ka epei ŋolo ke Eliya.” (Pa ayeni iŋes ŋuna erworo.)

Luk. 9:49

Tolimok Yoana Yesu tema, “Eketataman, eŋolikinitae isua ekile iritanari ŋipyan alokiro kon, kiretakinae isua iŋes, anerae nyerae iŋes epei alokidiŋ yok.”

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Yoa. 2:5

Tolimok nai toto keŋ ŋiketiyak tema, “Kitiyata ŋuna daadaŋ ikilimokini iŋes iyes.”

Yoa. 21:3

Tolimok Simoni Petero ŋuluce tema, “Alosi ayoŋ akisurum ŋikolya.” Temasi ikes, “Apena kaapei.” Apotu nai ikes todoka ataker toloto nanam, nai nyisuruma ikes idiobore akuwar ŋin.