Luk. 5:33 - Ebaibul

³³ Tolimokis ikes iŋes temasi, “Ikanyeneneete ŋikasyomak a Yoana, nabo ilipete daŋ; ŋikewuapak a Ŋiparisayon daŋ ikote nenipei, nai imujete ŋikasyomak kon ka emaseneneete!”

Luk. 5:33 Iomraidhean Croise

Ŋakit. 28:9

Ani keŋer ituŋanan akiwuap ŋuna ebasi ŋikisila, eruwor tari ŋakisilipasinei keŋ asiilyo aneni ka Akuj.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Sakar 7:6

Ani bo apaki ŋina imujata ka imatatar iyes, pa mono imujete ka imasete iyes aŋuna a ŋawat kus a?

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Mar. 12:40

Emodiyanarete ŋiboro anakais a ŋapuseru ka itoodiuna ikes anakilipeta kec a ŋuna aoyak. Eryamunete ikes atubokino ŋina apolon nooi.”

Luk. 11:1

Apeikoloŋit kilip Yesu aiwace. Ani irikakini, abu epei alokidiŋ ŋikasyomak keŋ, tolimok iŋes tema, “Ekapolon, kitatamae isua akilip, ikwaŋina koloŋ etatamya Yoana ŋikasyomak keŋ.”

Luk. 18:12

Aroneene ayoŋ ŋaroniet ŋaarei a ŋolosabit, nabo akalemianakini iyoŋ atutubet apei ŋina kitomonet a ŋinibore a daadaŋ aryamuni ayoŋ.’

Luk. 2:37

Arae iŋes apuserut ŋina adolito ŋikeekaru ŋatomonikanikauni ka ŋiomwon. Pa arotonokini iŋes alo Kai ka Akuj; etiyae etic ŋolo ke Ekapolon Akuj apaaran jwii ka akuwar kya, kikanyanakini akimuj kilipi akilip bon.

Luk. 20:47

Edemete ikes ŋapuseru ŋiboro kec ka daŋ ilipete ekaoyan iwogasi neni erae koŋin! Eryamunete ikes atubokino ŋina aronon nooi!”

Luk. 5:32

Nyabunit ayoŋ anyarare ŋulu iyookino, nai ŋikasecak, ikotere tokiwa ŋasecisya kec.”

Luk. 5:34

Toboŋok Yesu ikes tema, “Ipedorete iyes akisikany ŋituŋa ŋulu enyaraunitae lokiitanu eriŋa ikes erukito ka ekeitan a?

Yoa. 1:35

Akoloŋit ŋina atupakini ŋin, awuasi nabo Yoana ka ŋikasyomak keŋ ŋiarei anenipei.

Yoa. 3:25

Apeipaki tolomu epeget alokidiŋ ŋikasyomak a Yoana ka e Yudayat ece aŋakiro a ŋuna atapito akitesegun ŋawat, ikwa icikakinitotor Ŋikisila.

Ŋitic. 9:11

Tolimok Ekapolon iŋes tema, “Tonyou tolot lorukude ŋolo enyaritae, ‘Erukude ŋolo Idiiri,’ kiŋitu alokai a Yuda ekile ŋolo alo Taso, ŋolo enyaritae Saulo. Ilipi iŋes.