Luk. 5:24 - Ebaibul

²⁴ Nai acamit ayoŋ iyes toyenut atemar, eyakar Lokoku a Ituŋanan apedor ŋinakisyoniyet ŋasecisya anakwap.” Tolimok iŋes ekaŋwalan tema, “Akalimokini ayoŋ iyoŋ atemar, tonyou, tolema akoniperyet, tolot lore!”

Luk. 5:24 Iomraidhean Croise

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Mat. 16:13

Ani elosi Yesu nakwap ŋina anyaritae Kaisaria Pilipi, kiŋit iŋes ŋikeekasyomak tema, “Ebasi mono ŋituŋa ŋae ayoŋ ŋolo abala arae Lokoku a Ituŋanan?”

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Mat. 26:64

Tolimok Yesu iŋes tema, “Idau iyoŋ alimun. Nai akalimokini ayoŋ iyes atemar, kelunyar nu, ianyuwarete Lokoku a Ituŋanan iboi aloteten Akuj ŋina alokidiama nooi ka ebunit alokidiama ŋidouwon ŋulu anakuj.”

Mat. 28:18

Toapiya Yesu diyete kec tolimok ikes tema, “Akainakin ayoŋ apedor daadaŋ ŋina anakuj ka ŋina alokwap.

Mat. 4:24

Tokeikin ŋakiro keŋ nakwap a Siria daadaŋ. Yaut ŋituŋa neni keŋ ŋikadyakak daadaŋ ŋulu adyakasi ŋidekesyo ŋulu agelegelya: ŋulu ekamunito ŋipyan, ŋulu erakanarosi ka ŋulu aŋwalak, kitaŋaleu Yesu ikes daadaŋ.

Mat. 9:6

Nai acamit ayoŋ iyes toyenut atemar eyakar Lokoku a Ituŋanan apedor ŋinakisyoniyet ŋasecisya anakwap.” Tolimok iŋes ekaŋwalan tema, “Tonyou, tolema aperyet kon, tolot lore!”

Luk. 5:13

Torwaa Yesu akan keŋ, totap iŋes tema, “Acamit; toŋaleu!” Ŋolopeikiro, todaun atapon alokile a ŋol.

Luk. 5:18

Kilepuleput ŋikilyok ŋice ekile ŋolo alilimiyorito ŋakoyo ka akuwan, eperi anaperyet keŋ, ecamito ayaar iŋes tooma kai akiperikin kiŋaren Yesu.

Luk. 5:23

Nyo epatana nooi, alimokin ekaŋwalan atemar, ‘Esyoni ŋasecisya kon,’ kori atemar, ‘Tonyou, torotok’?

Luk. 7:14

Tolot Yesu toapiya nibore ŋini elepilepitere, totap, tosodi towua ŋituŋa ŋulu adakito. Kirworik Yesu tema, “Edya, abala ayoŋ iyoŋ: Toyaru!”

Luk. 8:54

Nai kikam Yesu akan ka apese, tonyara iŋes tema, “Nakoku, tokienyu!”

Yoa. 11:43

Kedau alimun ŋun, tocelu nooi tema, “Lasaro! Tolomu kiŋa!”

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

Yoa. 3:13

Emam ituŋanan ipei daŋ adol nakuj, mati Lokoku a Ituŋanan bon ŋolo ebunit anakuj.”

Yoa. 5:27

Adau iŋes ainakin Lokoku apedor ŋina tubokinet, anerae erae iŋes Lokoku a Ituŋanan.

Ŋitic. 14:10

tolimu a etoil a ŋolo apolon tema, “Tonyou, towo kitenar!” Tokuraun ekile, torotok.

Ŋitic. 5:31

Kitopoloo Akuj iŋes, kisiboik lowae ŋolo aloteten keŋ toruwor Ekarikon ka Ekaiunan, ikotere Ŋisirael epedorete akiki, kisyoni Akuj ŋasecisya kec.

Ŋitic. 9:34

Tolimok Petero iŋes tema, “Aenea, ikitaŋaleu iyoŋ Yesu Kristo, tonyou, topetak ekitaada kon.” Atipei, tonyou Aenea.

Ŋitic. 9:40

Kitoloma Petero ikes daadaŋ kiŋa. Toryedik kilip, toboboŋ neni aperyo akuwan tema, “Tabisa, tonyou!” Toŋaa iŋes ŋakonyen keŋ, ani iŋolikini iŋes Petero, tonyou, kiboikin.

Akis. 1:13

Alokidiŋ ŋawuoeta ŋun ayai ŋini ekoni ituŋanan, ŋini anapit elou ŋolo aoyan, ŋolo adolit kwap ŋakejen keŋ ka tonapite alokore keŋ arokoba ŋina etiyaunitae a egolid.