Luk. 5:22 - Ebaibul

²² Ikwaŋina ayenia Yesu ŋuna atamete ikes, tolimok ikes tema, “Nyo itamyata iyes ŋakiro ŋuna ikote ŋun alotai kus?

Luk. 5:22 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Ŋikiru. 139:2

Iyeni iyoŋ ŋuna etiyae ayoŋ daadaŋ iyeni iyoŋ ŋatameta kaŋ tari daŋ kilwana iyoŋ.

Ŋakit. 15:26

Erae asiilyo aneni a Ekapolon ayere akitiya aronis, nai erae alakara aneni a Ekapolon ayere akitiya ajokis.

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Esek. 38:10

“Alimu Ekapolon Akuj atemar, akoloŋit ŋina ilosyoto iyes, epote ŋatameta nakyes kus, ido igeunete iyes akituk akitiya ŋuna aronok.

Mat. 12:15

Nai aŋuna ayenia Yesu atemar etukosi Ŋiparisayon akiar iŋes, torotok anakwap a ŋin, totupasi ŋasepico ŋuna alalak iŋes. Kitaŋaleu iŋes daadaŋ ŋulu adyakasi,

Mat. 12:25

Ikwaŋina ayenia Yesu ŋuna atamete ikes, tolimok ikes tema, “Apukan ŋina nyimorikina ŋituŋa keŋ, nyerubakini; etaun kori ekal ŋolo etyakatyakatar ŋituŋa, nyicasi.

Mat. 9:4

Nai ikwapei ayenia Yesu ŋuna atamete ikes, tolimok ikes tema, “Kaanukiro itamyata iyes ŋuna aronok alotai kus?

Mar. 8:17

Ayeni Yesu ŋakiro ŋuna erworosi ŋikasyomak, tosodi nai kiŋit ikes tema, “Nyo irworotor iyes ibaakatar emam ŋamugati iyakatar? Eriŋa iyes nyeanyuna ka nyeyenuna a? Eninik ŋakusitameta a?

Luk. 24:38

Nai tolimok Yesu ikes tema, “Anukiro eryebete ŋitai kus? Nyo elalaa aŋayaŋayat alotai kus?

Luk. 5:21

Apotu ŋiketatamak a Ŋikisila ka Ŋiparisayon kiŋitas make temasi, “Ŋae ŋini iyanyi Akuj ikona en? Emam ituŋanan ŋini epedori akisyon ŋasecisya, mati Akuj bon!”

Luk. 5:23

Nyo epatana nooi, alimokin ekaŋwalan atemar, ‘Esyoni ŋasecisya kon,’ kori atemar, ‘Tonyou, torotok’?

Ŋitic. 5:3

Nai tolimok Petero Anania tema, “Anania, kaanukiro imyekinia iyoŋ Satan ilelebikin lotau kon, ido tomodik iyoŋ Etau ŋolo Asegan, aŋuna iwuaya ŋisiliŋa ŋice ŋulu igyelarya iyoŋ emanikor?

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.