Luk. 5:21 - Ebaibul

²¹ Apotu ŋiketatamak a Ŋikisila ka Ŋiparisayon kiŋitas make temasi, “Ŋae ŋini iyanyi Akuj ikona en? Emam ituŋanan ŋini epedori akisyon ŋasecisya, mati Akuj bon!”

Luk. 5:21 Iomraidhean Croise

Ŋikiru. 103:3

Isyoniyenene Ekapolon ŋasecisya kaŋ daadaŋ, eketaŋaleununui iŋes ayoŋ alodekesyo kaŋ a daadaŋ;

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Ŋikiru. 35:5

Kimyek ikes kielarae lopite ŋolo ielarya ekuwuam ŋamilo, kimyek emalaika kirit ikes tomunya.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Dan. 9:19

Okoe Ekapolon, kiirarae isua, okoe Ekapolon kisyoni isua, okoe Ekapolon, topupokinae, ido kitiya ŋuna ikiŋita, okoe Akuj kaŋ aŋuna ka akipuryo iyoŋ, Nyidid akitiya ŋun! Anerae enyaritae etaun kon ka enyaritae ŋituŋa kon a ekiro kon.”

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Ŋilep. 24:16

Ituŋanan daadaŋ ŋini iyanyi ekiro ŋolo ke Ekapolon, emaikina toarae. Emaikina ŋituŋa daadaŋ tocaka iŋes a ŋamoru. Ituŋanan daadaŋ, kerae iŋes igelaanot, kori Esiraelit, ani kiyany iŋes ekiro ŋolo ke Ekapolon, emaikina toarae.

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Mat. 26:65

Ŋolopeikiro, tocil Esacaradoti ŋolo Apolon nooi ŋilowi keŋ tema, “Eyany iŋes Akuj! Nyo nabo eriŋa ikiitanitor ŋisuudae ŋice? Iirasi tokona iyes ŋiyany keŋ.

Mat. 9:3

Kirworikinos ŋiketatamak a Ŋikisila ŋice alotai kec temasi, “Iyanyi ekile lo Akuj.”

Luk. 3:8

Kitiyata ŋiticisyo ŋulu itoodiunete atemar ikiwa iyes kire ŋasecisya kus. Tojoŋoto atemar alotai kus erae Aburaam papa kus. Akalimokini ayoŋ iyes atemar, epedori Akuj akilocokin ŋamoru nu toruworos ŋidwe ŋulu ka Aburaam!

Luk. 5:17

Apeikoloŋit itatami Yesu, ayakasi Ŋiparisayon ka ŋiketatamak a Ŋikisila daŋ lotuŋa ŋul, ŋulu aponito alorerya a daadaŋ a ŋulu ka akwap a ŋina a Galileya, Yudaya ka Yerusalem daŋ. Ayai neni a Yesu apedor ŋina ka Akuj ŋina kitaŋaleunet.

Luk. 5:22

Ikwaŋina ayenia Yesu ŋuna atamete ikes, tolimok ikes tema, “Nyo itamyata iyes ŋakiro ŋuna ikote ŋun alotai kus?

Luk. 7:49

Togeut ŋituŋa ŋulu aya ka iŋes lomesa akiŋitiŋita make temasi, “Okoe, ŋae ituŋanan ŋini epedori tari akisyon ŋasecisya en?”

Yoa. 10:33

Toboŋokis Ŋiyudayan iŋes temasi, “Meere aŋuna ke ediotic a ŋolo ajokan ikimasere isua iyoŋ, nai aŋuna iyanyia iyoŋ Akuj! Irae iyoŋ ituŋanan, nyo nai ibaakar iyoŋ ikwaanasi ka Akuj!”

Ŋirom. 8:33

Ŋae isitakini ŋituŋa ŋulu ka Akuj ŋulu eseunitae? Emam ipei daŋ, anerae Akuj alope acamu ikes erae ŋulu iyookino alokiŋaren keŋ.