Luk. 5:14 - Ebaibul

¹⁴ Kicik Yesu iŋes tema, “Nyilimok idiotuŋanan ŋakiro nu, nai tolot kitoodiyar neni ka esacaradoti, ikisyem iŋes iyoŋ; ido tolemu ainakinet aŋuna ka asegun kon, ikwaŋina icikakinitor Moses; ikotere toanyunia ŋinituŋanan atemar isegu iyoŋ.”

Luk. 5:14 Iomraidhean Croise

Ŋilep. 13:2

“Ani keyakaunotor ituŋanan idio neni ebuunit anakuwan, kori neni ekuram anakuwan, kori kileereu neni eŋolyaana anamuny a akuwan keŋ, ido toruwor ibore ŋin atapon, emaikina ituŋanan ŋin yaunae neni ka Aron ke esacaradoti, kori neni ke epei a ŋidwe keŋ a ŋulusapa a ŋulu erae ŋisacaradotin.

Ŋilep. 13:49

ido ani kelibiyarit, kori kereŋiyarit ibore ŋin alolou a ŋolo imanyumanyunitae, kori a ŋolo edonyunitoe, kori alojamu, kori anibore ca a daadaŋ a ŋini itiyaunitae alolou a ibarasit, erae edeke ŋol ŋolo etapaana, ido emaikina kitoodiyarae neni ke esacaradoti.

Mat. 10:18

Ikirikoryo iyes kiŋaren ŋikepukak ka ŋirwosi aŋuna kaŋ, ikotere toruworos iyes ŋisuudae kaŋ alokiŋaren kec ka alokiŋaren ŋituŋa ŋulu nyerae Ŋiyudayan.

Mat. 12:16

nabo kicik iŋes ikes tema, “Nyikiteyan ayoŋ ŋituŋa!”

Mat. 8:4

Kicik Yesu iŋes tema, “Nyilimok idiotuŋanan, nai tolot kitoodiyar neni ka esacaradoti, ikisyem iŋes iyoŋ, ido tolemu ainakinet ikwaŋina icikakinitor Moses, ikotere toanyunia ŋinituŋanan atemar isegu iyoŋ.”

Mat. 9:30

Toŋaleut ŋakecekonyen. Kicik nai Yesu ikes nooi tema, “Nyilimokis idiotuŋanan nu.”

Mar. 1:44

“Nyilimok idiotuŋanan, nai tolot kitoodiyar neni ke esacaradoti, ikisyem iŋes iyoŋ; ido tolemu ainakinet aŋuna ka ajokun kon, ikwaŋina icikakinitor Moses, ikotere toanyunia ŋinituŋanan atemar ijoku iyoŋ.”

Mar. 6:11

Akibois daadaŋ ŋina nyikijauniata iyes ŋituŋa, kori ewouniata akiirar iyes, totwakisi apuwa ŋina a ŋakejen kus nen, kitoodiu nen atemar esecito ikes.”

Luk. 17:14

Kiŋolik Yesu ikes tolimok tema, “Toloto neni a ŋisacaradotin ikisyemeto ikes iyes.” Ani elosete ikes alorot, toŋaleut ikes tosegut.

Luk. 5:13

Torwaa Yesu akan keŋ, totap iŋes tema, “Acamit; toŋaleu!” Ŋolopeikiro, todaun atapon alokile a ŋol.

Luk. 9:5

Ani ca neni nyikijauniata ŋituŋa iyes, torotokis a nen, totwakis apuwa ŋina a ŋakejen kus nen, kitoodiu neni atemar esecito ikes.”