Luk. 4:22 - Ebaibul

²² Apotu ŋituŋa daadaŋ kipuro iŋes ka toumokis ikes a Ŋakiro a ŋuna Ajokak a ŋuna erworo iŋes temasi, “Meere nai lo lokoku a Yosepu a?”

Luk. 4:22 Iomraidhean Croise

Ŋikiru. 45:2

Ibus iyoŋ erwosit akilo ŋikilyok daadaŋ; ejokak ŋakiro ŋuna irworo iyoŋ, aŋun, adau Akuj akiterereŋ iyoŋ ŋikaru ka ŋikaru.

Ŋikiru. 45:4

Alotooma ailiil kon tome aŋole irae ŋolo elounan, aŋuna ka akitogogoŋ ŋuna a kire ka akitub ŋakiro anakiyookino; irae iyoŋ erwosit ŋolo igogoŋ ka itiyae ŋiticisyo ŋulu ka aumokin.

Ŋakit. 10:32

Irworosi ŋituŋa ŋulu iyookino ŋakiro ŋuna ecamunito ŋituŋa akiirar, nai irworosi ŋituŋa ŋulu aronok ŋakiro ŋuna itoŋoyete ŋituŋa iirarete.

Ŋakit. 16:21

Ebookoi ituŋanan ŋini eos ŋini eyeni ŋuna itiyae erae ŋini eyakar ayenut, ido ituŋanan ŋini irworo ŋakiro ŋuna ajokak, epedori akisupun ŋituŋa neni keŋ.

Ŋakit. 25:11

Akirot ŋina elimunitoe epupo ejok, ikwaan ka egolid ŋolo iluŋiluŋitae ŋolo inaminamitae losilipa.

Ekal. 10:12

Itojokete ŋituŋa ŋikaosok anakiro a ŋuna irworosi ikes, nai irikar ŋibaŋaanotin anakiro a ŋuna irworosi ikes.

Eete a Ŋie. 5:16

Ebobok nooi ŋakiro ŋuna irworo iŋes, ikisupari iŋes alopitesyo keŋ a daadaŋ. Okoe ŋapesur a Yerusalem, epite ŋolo eyakar ŋolominat kaŋ ka lokone kaŋ iŋes ŋol.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Luk. 2:47

Toumokis ŋituŋa daadaŋ ŋulu apupete iŋes aŋuna ka aosou a ŋina a ŋakiro a daadaŋ a ŋuna aboŋonokini iŋes ikes.

Luk. 2:48

Ani iŋolikinete ŋikauruunak keŋ Yesu, toumokis. Tolimok toto keŋ iŋes tema, “Aa robo lokoku, inyoni bo itiyaa iyoŋ neni kosi ikona? Ikiyaloloŋi ayoŋ ka Papa kon nooi ikiwarit iyoŋ.”

Luk. 21:15

anerae ayoŋ elope akainakini iyes ŋakiro ŋuna ka aosou ŋuna emam ipei daŋ alokidiŋ ŋikusimoe ŋini epedori akiloc, kori apegakin.

Luk. 4:21

Kisyak iŋes alimonokin ikes tema, “Nakoloŋit na, eyookinosi ŋuna igiritae Nakigireta nu, ikwaŋina sek ipupyoto iyes esyomyo.”

Yoa. 1:45

Kiryamunos nai Pilipo ka Nasaniel, tolimok Pilipo iŋes tema, “Ikiryamu isua iŋes ŋolo egirit Moses ŋakiro keŋ Lokisila, ŋolo daŋ igirito ŋikadwarak ŋakiro keŋ. Erae iŋes Yesu ŋolo a Nasaret, lokoku a Yosepu.”

Yoa. 6:42

Kirworikinos ikes make temasi, “Meere lo lokoku a Yosepu a? Nyikiyeni mono iwon papa keŋ ka toto keŋ a? Ikokini iŋes elimuni ebe ebunit iŋes anakuj ai?”

Yoa. 7:46

Toboŋokis ŋisigarya ikes temasi, “Emam ekile ŋolo erwor ikoŋina irworor ekile ŋol!”

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

Tito 2:8

Kirwor ŋakiro ŋuna ileereete ŋuna nyitepegio, ikotere ŋiketepegak yok isurumyo ŋileec, anerae eŋopete ŋakiro ŋuna aronok ŋuna ikitoroniyaryata ikes iwon.