Luk. 24:45 - Ebaibul

⁴⁵ Toŋaaros ŋatameta kec toyenut ŋuna igiritae Nakigireta.

Luk. 24:45 Iomraidhean Croise

Yob 33:16

ŋapakio ŋun ikes eŋaarya Akuj ŋaki a ŋituŋa, ido tolimok ikes ŋakiro ŋuna etubulok ŋuna nyecamit ŋituŋa kiwuapa;

Ŋikiru. 119:18

Toŋaa ŋatameta kaŋ, ikotere ayoŋ ayenuni ŋakiro ŋuna ka aumokin ŋuna a ŋikisila kon.

Awos. 4:11

Kiŋit nai Ekapolon iŋes tema, “Ŋae ainakini ituŋanan erwor? Ŋae ituruwonori iŋes ŋini nyirworo, kori ŋini ekiŋimana, ŋini ekyenyi, kori ŋini emudukana? Erae ayoŋ Ekapolon ainakini.

Luk. 24:32

Kirworikinos ikes temasi, “Pa mono ariraete ŋitai yok ka alakara apaki ŋina erworor iŋes neni yok alorot ka ŋina ikisileerekinio iŋes iwon ŋuna igiritae Nakigireta a?”

Ŋitic. 16:14

Apei alokidiŋ ŋuna ikipupete isua, arae aberu ŋina anyaritae Lidia ŋina alotaun a ŋolo a Tyatira, ŋina agyelanari ŋilowi ŋulu kipura areŋak. Arae iŋes aberu ŋina ainakina neni ka Akuj. Abu Ekapolon toŋaa etau keŋ akiirar tocamu ŋakiro ŋuna erworo Paulo.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋiep. 5:14

anerae akica iŋes itoodiuni ibore daadaŋ ejok. Iŋes elimunitere ebe, “Tokienyu, iyoŋ ekajoton, ido toyaru alokatwak, ikiwuakini Kristo iyes nakica.”

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.