Luk. 24:44 - Ebaibul

⁴⁴ Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”

Luk. 24:44 Iomraidhean Croise

Akisy. 14:18

Yau Melekisedek ŋolo arae erwosit ŋolo a Salem ŋamugati ka epiini; arae daŋ Melekisedek esacaradoti ŋolo ka Akuj a ŋina alokidiama nooi.

Akisy. 22:18

ido eterereŋi ayoŋ ŋituŋa ŋulu ka akwap daadaŋ aŋuna a ŋiletok kon, anerae idau iyoŋ akiwuap ŋakiro kaŋ.’”

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Ŋikiru. 118:22

Amoru ŋina aŋeretoe ŋikadukok, iŋes tokona itogogoŋit akai alokoona.

Isa. 28:16

Aŋun, alimu Ekapolon ebe, “Ewuak tokona ayoŋ Sion amoru ŋinakisyakinet aduketait, amoru ŋina agogoŋon nooi, amoru ŋina egogoŋ egyelit ŋina itowoi aduketait jik. Nyekadakini ituŋanan ŋini ikinyomit neni keŋ.”

Isa. 52:13

Kiirasi, isiyookini eketiyan kaŋ etic keŋ, itopolooryo iŋes ka epoloor akilo daadaŋ.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Isa. 9:6

Edoun ikoku aŋuna yok, ikiinakin iwon ikoku ŋinisapat, eruwor iŋes ekepukan, enyarao iŋes, “Ekesirworiunan ŋolo ajokan nooi, Akuj ŋina etiron, Papa ŋolo a ŋikaru ka ŋikaru, Ekapolon a ekisil.”

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 33:14

Alimu Ekapolon ebe, “Kire jik, eponito ŋirwa ŋulu esiyookinio ayoŋ akiikinet kaŋ neni a ŋituŋa a Isirael ka ŋituŋa a Yudaya.

Esek. 17:22

Abu Ekapolon Akuj kirwor ŋakiro nu, “Ayoŋ elope abuni atubun atalijeit ŋina iwasi alokidiama ekitoe ŋolo a Cedar; adupakini ayoŋ atalijeit ŋin; atubuni ayoŋ atalijeit ŋina anonokan ŋin oya odupak lomoru ŋolo aoyan.

Esek. 34:23

“Ewuakini ayoŋ ekeyokon epei kiyok ikes, ekeyokon ŋol iŋes Daudi eketiyan kaŋ, itani iŋes ŋamesekin kaŋ, iyokiuni ejok erae ekeyokon kec.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Dan. 7:13

Ani ete ayoŋ ŋakisileerekineta ŋun nakwaare, abu ayoŋ eŋolik ibore ŋini ekwaan ka ituŋanan ebunit eyai kidiŋ ŋidouwon. Abu iŋes tolot neni a ŋolo iboi ŋikaru ka ŋikaru ka aponi yaarae iŋes neni ayai ŋolo iboi ŋikaru ka ŋikaru.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Sakar 14:4

Akoloŋit ŋin ewoi Ekapolon alomukura a ŋolo a ŋikito ka olipa, alo Kide Yerusalem, etyaka emukura ŋol ŋaarei, akisyakin alo Kide tari To, min nen akadipaalat ŋina apolon nooi, iyotori atyaketait apei Kuju iyotori ŋinace Kwap.

Sakar 6:12

Tolimok iŋes atemar, ebala Ekapolon ŋolo Etiron ebe, ‘Ekile ŋolo enyaritae Ateni iŋes lo, epetari iŋes anakibois keŋ, ikwa ateni ŋina ke ekitoe, ido edukokini iŋes Akai ŋina ke Ekapolon.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Ekim. 21:8

Tolimok Ekapolon Moses tema, “Kitiyau etorube a emun a ŋolo a akisorit, ido kikacak lopir, ituŋanan daadaŋ ŋini ekonyi emun, emaikina kiŋoliya lotorube a emun a ŋol, ido eyari ituŋanan ŋin.”

Ekim. 35:25

Emaikina atukot toiu ituŋanan ŋini abucakin akiyar ŋinice aneni a ekenyaŋan, ido emaikina atukot kinyaka ituŋanan ŋin lotaun ŋolo sek adokinit iŋes kiboi a nen mati ketwana esacaradoti ŋolo Apolon nooi ŋolo aponi kiosae ka akimyet a ŋina asegan.

Mat. 1:22

Apotu ŋun daadaŋ totakanut, ikotere iyookinotor ŋuna koloŋ kirworo Ekapolon anakituk ke ekadwaran ebe,

Mat. 16:21

Ameun apaki ŋinapei ŋin, togeu Yesu akisileerekin ŋikasyomak keŋ tema, “Itemokino ayoŋ olot Yerusalem ekesicani nooi alokatukok, alosacaradotin a ŋulu apolok, aloketatamak a Ŋikisila ka okaari. Nai kelunyar ŋirwa ŋiuni, ayaruni.”

Mat. 26:54

Nai ani kikokis neni, iyookinosi ikwaani Ŋakigireta ŋuna igiritae ebe itemokino ŋun totakanut?”

Mat. 26:56

Nai etiyakinosi nugu daadaŋ kiyookinotor ŋuna igirito ŋikadwarak.” Toesikis nai ŋikasyomak daadaŋ iŋes kielaros.

Mar. 9:31

anerae etatami Yesu ŋikasyomak keŋ. Abala iŋes neni kec, “Einakinio Lokoku a Ituŋanan neni a ŋituŋa a ŋulu earete iŋes; kedaut akiar, eyaruni iŋes kelunyar ŋirwa ŋiuni.”

Luk. 21:22

Anerae erae ŋul ŋirwa ŋulu ka anyaŋan, kiyookinotor ŋuna igiritae Nakigireta daadaŋ.

Luk. 22:37

Anerae akalimokini ayoŋ iyes atemar, itemokino kiyookin aneni kaŋ Ŋakigireta ŋuna igiritae ikona: ‘Emaritae iŋes ka ŋikasecak kaapei.’ ”

Luk. 24:46

Tolimok ikes tema, “Nugu ikes ŋuna igiritae atemar itemokino Kristo toryamu ŋican, ido toyaru kelunyar ŋirwa ŋiuni.

Luk. 9:22

Kiyatak iŋes erwor keŋ tema, “Itemokino Lokoku a Ituŋanan kisicanae nooi, toŋero ŋikatukok ka ŋisacaradotin ŋulu apolok ka ŋiketatamak a Ŋikisila. Earyo iŋes, nai kelunyar ŋirwa ŋiuni, eyaruni.”

Luk. 9:44

“Kiirasi kojokan ŋakiro ŋuna akalimokini ayoŋ iyes! Ipotokinio Lokoku a Ituŋanan nakan a ŋituŋa.”

Yoa. 3:14

Ikwaŋina abunio Moses kikyaarya analoŋisat emun ŋolo etiyaunitae a asuat, itemokino Lokoku a Ituŋanan daŋ kikyaarae kidiama ikwaŋinapei,

Yoa. 5:39

Isyomete iyes Ŋakigireta ibasi kori iryamunete akiyar ŋina nyedaun alotooma kec, torae bo ŋakiro ŋuna akayenunere ayoŋ ikes igiritae Nakigireta ŋunapei ŋun!

Yoa. 5:46

Kerae kire tonupito iyes Moses, kikinupito iyes ayoŋ daŋ, anerae abu iŋes kigir ŋuna ekekamunito ayoŋ.

Ŋitic. 13:33

atemar ŋakiro ŋuna eikinit Akuj atapapaa yok, esiyook tokona aneni yok a ŋulu ikirae ŋiletok kec aŋuna eteyarunia Yesu. Ikwaŋinapei igiritere tooma Eete ŋolo a ŋiarei ebe: ‘Irae iyoŋ Lokoku kaŋ; aruwor ayoŋ Papa kon nakoloŋit na.’

Ŋitic. 13:40

Tocoito nai nyetakanut neni kus ŋuna elimunito ŋikadwarak ebasi:

Ŋitic. 2:27

anerae nyikimyekini iyoŋ ayoŋ anakibois a ŋikatwak, kori nyicamakini iyoŋ eketiyan kon ŋoloseuna ebosi.

Ŋitic. 3:18

Tari kikote neni daŋ, alimunit Akuj koloŋ alorwor a ŋikadwarak a daadaŋ atemar etemokino kisicanae Kristo keŋ ka esiyook Akuj ŋun alorot a lo.

Ŋitic. 7:37

Arae lo Moses ŋolo alimokini Ŋisirael tema, ‘Iyakuuni Akuj neni kus ekadwaran ŋolo ikoni ayoŋ, ebuni iŋes alokidiŋ kus pei.’

Ŋibur. 10:1

Nyepedorete Ŋikisila akitetem ŋakiro ŋun ejok. Erae ikes etorube ŋolo a ŋakiro a ŋuna ajokak a ŋuna epote rwanu. A ŋolokaru elemununuyo ŋamuronisya ŋunapei sek. Ikokinete nai tokona Ŋikisila ituruworete ŋituŋa ŋulu epote neni ka Akuj ŋulu iyookino aŋuna a ŋamuronisya a nu ai?

Ŋibur. 3:5

Arae Moses ekile ŋolo abu Akuj kikinyom ikwapei eketiyan keŋ alokal a ŋolo ka Akuj, ido abu kiteyenu ŋituŋa ŋakiro ŋuna epote ekaku.

Ŋibur. 7:1

Arae Melekisedek erwosit ŋolo ke etaun a ŋolo a Salem, torae daŋ esacaradoti ŋolo ka Akuj a ŋina alokidiama nooi. Ani eboŋuni Aburaam alojiye a ŋolo elounia ŋirwosi ŋiomwon, kiryamun iŋes ka Melekisedek ŋolo abu kiterereŋ iŋes.

Ŋibur. 9:8

Ikitatami iwon Etau ŋolo Asegan anakiro a ŋun daadaŋ atemar eriŋa nyeŋaara erot ŋolo elomarere nagule ŋina a ŋaarei, ŋina erae Akibois ŋina Asegan nooi, erae keriŋa agule ŋina esyaunan eyai.

1 Pet. 1:11

Apotu ikes kikatakis ayenun apaki ŋina itiyakinotor ŋakiro nu ka epite ŋolo eponiata. Apaki ŋin, iŋes etoodikinit ikes Etau ŋolo a Kristo, ŋolo ayai tooma kec atemar etitinyikini Kristo ŋican, nai ekaku eryamuni apolou.

Akis. 19:10

Abu oramakin kwap nakejen keŋ akilip, nai abu iŋes tema, “Nyilip neni kaŋ! Arae ayoŋ daŋ eketiyan ikwa iyoŋ ka ikwa ŋikaitotoi kon, ŋulu erae ŋisuudae a Yesu. Kilip neni ka Akuj!” Anerae ŋuna iteyenunit Yesu ikes isirworete ŋikadwarak.