Luk. 23:49 - Ebaibul

⁴⁹ Nai ŋulu daadaŋ anaikina sek ka Yesu, kaapei ka ŋaberu ŋuna ewuapunete iŋes alo Galileya, apotu towua aneni alwanan, kiteto ŋakiro daadaŋ.

Luk. 23:49 Iomraidhean Croise

Yob 19:13

“Eteeka Akuj ŋituŋa a ekal kaŋ aneni kaŋ, ido aruwor ŋituŋa daadaŋ ŋulu sek akayenete ayoŋ ŋigelaanotin aneni kaŋ.

Ŋikiru. 142:4

Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

Ŋikiru. 38:11

Akaŋero ayoŋ ŋikonei ka ŋirukitos kaŋ aŋuna a ŋajemei kaŋ, eboiyosi ŋikidunyet kaŋ neni alwanan aneni kaŋ.

Ŋikiru. 88:18

Ikituruwo iyoŋ ayoŋ ŋolo akaŋerito ŋikonei kaŋ ka ŋikidunyet kaŋ; akiryonut cuc bon erae arukitos kaŋ.

Mat. 27:61

Eboiyete Maria Magadalena ka Maria ŋinace a epeiwae alyal.

Mar. 15:47

Kiteete Maria Magadalena ka Maria toto a Yose, neni eperikinio akuwan a Yesu.

Luk. 23:27

Kiwuapak asepic ŋina a ŋituŋa ŋina alalan Yesu. Aya daŋ nen ŋaberu ŋuna egworosi nooi aŋuna a Yesu.

Luk. 23:55

Kiwuapakis ŋaberu ŋuna arukunete ka Yesu alo Galileya Yosepu tari nalyal, toanyuwasi epite ŋolo eperikinitere akuwan a Yesu.

Luk. 8:2

ka ŋaberu daŋ ŋace ŋuna abu Yesu kitaŋaleu ikamunito ŋipyan ikes ka alodekesyo. Araakasi ikes Maria (ŋina arae ekiro keŋ Magadalena) ŋina etaŋaleunio ikamunito ŋipyan ŋikanikaarei;