Luk. 23:14 - Ebaibul

¹⁴ tolimok ikes tema, “Ipotu iyes torikut ekile lo neni kaŋ ibasi itutuki ŋituŋa. Eŋitiŋit tokona ayoŋ iŋes alokiŋaren kus, nai emam ŋakiro aryamu ayoŋ alokile a lo, ŋuna itemokino etubokinere iŋes.

Luk. 23:14 Iomraidhean Croise

Dan. 6:4

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Mat. 27:19

Ani eriŋa Pilato iboi alokicoloŋ a ŋolo etubonokinere, kiyaku aberu keŋ ŋakiro nu neni keŋ: “Nyiloma nakiro ŋuna ke ekile a ŋol, a ŋolo iyookino! Anerae ekecanito ayoŋ ŋakiro ŋuna bien nakwaare erujat ayoŋ aŋuna keŋ.”

Mat. 27:24

Ani eanyuni Pilato atemar, agogoŋioto ŋakiro nooi, aŋuna ageunia aruruma, tolemu ŋakipi kilota ŋakan keŋ alokiŋaren ŋituŋa tema, “Nyekekamunito ayoŋ ŋuna ka atwanare ke ekile a lo! Erae ŋun ŋuna kus!”

Mat. 27:4

ebala, “Asec ayoŋ aŋuna apwakakinia ekile ŋolo nyesecit atwanare.” Toboŋokis ikes temasi, “Erae ŋun ŋuna kon. Emam ŋuna ikikamunito isua a nen!”

Mat. 27:54

Ani eanyuni ekapolokiniton a ŋisigarya kaapei ka ŋisigarya keŋ epite ŋolo amaranikinia akwap ka ŋakiro daadaŋ ŋuna etiyasi, tobul ikes nooi temasi, “Kire, kerae iŋes Lokoku ka Akuj!”

Ŋitic. 13:28

Tari ŋina pa aryamuniata ikes ŋakiro ŋuna etemokino totubokinere iŋes atwanare, apotu ikes tolimokis Pilato atemar toarae iŋes.

Ŋitic. 17:11

Apupete ŋituŋa a nen ŋakiro akilo ŋulu alo Tesalonika, anerae apotu kijaut ŋakiro ŋuna ka Akuj ecamito nooi, tosyomete a ŋinakoloŋit ŋakiro ŋuna igiritae Nakigireta, ecamito aripun erae kerae kire ŋakiro ŋuna erworo Paulo.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.