Luk. 22:52 - Ebaibul

⁵² Tolimok Yesu ŋisacaradotin ŋulu apolok ka ŋikapolok ŋulu a ŋisigarya a ŋulu eteok Akai ka Akuj, ta ŋikatukok ŋulu aponito akikamun iŋes tema, “Nyo iponitotor iyes itiŋito ŋatumio ka ŋabiroi esibit arae ayoŋ ekokolan?

Luk. 22:52 Iomraidhean Croise

2 Ŋirw. 11:15

Kicik Yeoida ŋikarikok a ŋasigarya a ŋuna etyakatyakatae a ŋamiae tema, “Yautu iŋes kidiŋ ŋasigarya, toara ituŋanan daadaŋ ŋini iwarit aiun iŋes.” Arae ŋun anerae pa acamit Yeoida toarakinae Asalia Kai ka Akuj.

Mat. 26:47

Ani eriŋa Yesu irworo, todolu Yuda epei alokidiŋ ŋikasyomak ŋulutomon ka ŋiarei erukito ka ŋituŋa ŋulu atiŋito ŋatumio ka ŋabiroi. Eyakuunitae ikes aneni a ŋisacaradotin a ŋulu apolok ka ŋikatukok.

Mat. 26:55

Apaki ŋin tolimok Yesu ŋituŋa tema, “Kan nyo iponitotor iyes akikamun ayoŋ itiŋito ŋatumio ka ŋabiroi esibit arae ayoŋ ekokolan? A ŋinakoloŋit abu ayoŋ oyakaun Kai ka Akuj etatami, ipotu iyes nyikikamut ayoŋ.

Luk. 22:37

Anerae akalimokini ayoŋ iyes atemar, itemokino kiyookin aneni kaŋ Ŋakigireta ŋuna igiritae ikona: ‘Emaritae iŋes ka ŋikasecak kaapei.’ ”

Luk. 22:4

Tolot Yuda akirworiun ka ŋisacaradotin ŋulu apolok ka ŋikapolok ŋulu a ŋiketeok Akai ka Akuj epite ŋolo kipotokinet Yesu neni kec.

Luk. 22:51

Nai tolimu Yesu tema, “Etemokin!” Totap iŋes akit ŋina ke epito, kitaŋaleu.

Luk. 22:53

Ikirukit iyes ka ayoŋ ŋirwa daadaŋ alo Kai ka Akuj, ipotu iyes nyikikamut ayoŋ. Nai tokona erae esaa lo ŋolo kus, ŋolo ka apedor a ŋina ka akiryonut.”

Yoa. 17:12

Ani eriŋa ayoŋ ikirukit ka ikes, abu eyok ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ. Eyok ayoŋ ikes, emam ŋini aoliyo, mati ipei ŋini etemokino tooliyo--ikotere kiyookinotor Ŋakigireta.

Ŋitic. 5:26

Toloto ekapolokiniton ŋol ka ŋiketeok ŋulu ka Akai ka Akuj arikun Ŋikiyakia alo Kai ka Akuj. Nai nyikamut ikes Ŋikiyakia ka agogoŋu, anerae akerito atemar kori ikimasete ŋituŋa ikes a ŋamoru.