Luk. 22:37 - Ebaibul

³⁷ Anerae akalimokini ayoŋ iyes atemar, itemokino kiyookin aneni kaŋ Ŋakigireta ŋuna igiritae ikona: ‘Emaritae iŋes ka ŋikasecak kaapei.’ ”

Luk. 22:37 Iomraidhean Croise

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Mar. 15:27

Kibubukis ikes ŋikademanarak ŋiarei kaapei ka iŋes, epei teten ka ŋoloce kedyany keŋ. [

Mar. 15:28

Kiyookinotor Ŋakigireta ŋuna igiritae ebe, “Aponi kimarakinae iŋes kaapei ka ŋikasecak.”]

Luk. 18:31

Tonyaraiya Yesu ŋikasyomak keŋ ŋulutomon ka ŋiarei nawae, tolimok ikes tema, “Kiirasi! Ikidokari iwon tokona Yerusalem, nabo ŋuna daadaŋ igirito ŋikadwarak ikotere Lokoku a Ituŋanan iyookinosi.

Luk. 22:22

Kire etwani Lokoku a Ituŋanan ikwaŋina adwaritere; nai ekaŋ ekile ŋolo erikokini iŋes ŋituŋa!”

Luk. 22:36

Tolimok Yesu ikes tema, “Nai tokona ŋini daadaŋ eyakar ŋisiliŋa kori ekikapu, itemokino kiric; ani ŋini emamukar atum, itemokino togyela elou, tosodi togyelu atum.

Luk. 22:52

Tolimok Yesu ŋisacaradotin ŋulu apolok ka ŋikapolok ŋulu a ŋisigarya a ŋulu eteok Akai ka Akuj, ta ŋikatukok ŋulu aponito akikamun iŋes tema, “Nyo iponitotor iyes itiŋito ŋatumio ka ŋabiroi esibit arae ayoŋ ekokolan?

Luk. 23:32

Torikoroe ŋikeworok ŋice ŋiarei yaarae akiar ka Yesu kaapei.

Luk. 24:27

Kisyak nai iŋes akisileerekin ikes ŋakiro ŋuna ka Akuj ŋuna igiritae Nakigireta aŋuna keŋ, ameun alokitaaboi a ŋulu a Moses tari lokadwarak daadaŋ.

Yoa. 10:35

(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.

Yoa. 17:4

Etoodik ayoŋ apolou kon nakwap anakirikakin etic ŋolo ikiinakinit iyoŋ ayoŋ akitiya.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Ŋigal. 3:13

Nai abu Kristo ikilaku iwon alolam a ŋulu eponito aneni a Ŋikisila, anerae abu iŋes kiwok ŋilam ŋulu sek arae ŋulu yok; anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini ibubukinio lokitoe”.