Luk. 22:35 - Ebaibul

³⁵ Kiŋit Yesu ikes tema, “Ŋina ekeyakiaritor ayoŋ iyes emam ecwee ŋolo a ŋisiliŋa, ekikapu kori ŋamuk, ayai ibore ŋini ipotu iyes kicanakinosi a?” Toboŋokis ikes temasi, “Amam ibore ikicana.”

Luk. 22:35 Iomraidhean Croise

Akisy. 48:15

Kiterereŋ Isirael Yosepu tema, “Elipi ayoŋ Akuj ŋina apotu atapapaa kaŋ Aburaam ka Isaka kiwuapa ŋakiro keŋ, Akuj ŋina erae Ekeyokon kaŋ anakiyar kaŋ a daadaŋ tari nakoloŋit na,

1 Ŋirw. 11:22

Nai abu Parao kiŋit iŋes tema, “Nyo icanakin iyoŋ aneni kaŋ ŋini icamitor iyoŋ tokona alosit nakwap kon?” Toboŋok iŋes tema, “Mam ibore, kimyekinae ayoŋ alot.”

Ŋikiru. 23:1

Akuj iŋes ekeyoki ayoŋ, a ŋun, emam ibore ecanakin ayoŋ.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Luk. 10:4

Nyitiŋa ecwee a ŋisiliŋa, kori ŋolo ilipanarotor, kori ŋamuk, nyicanican apaki akimal ŋituŋa.

Luk. 22:34

Tolimok Yesu iŋes tema, “Petero, akalimokini ayoŋ iyoŋ atemar, eriŋa ekokoroit nyeruuno nakoloŋit na, ipegi iyoŋ ŋapeget ŋauni atemar ikiyeni ayoŋ.”

Luk. 22:36

Tolimok Yesu ikes tema, “Nai tokona ŋini daadaŋ eyakar ŋisiliŋa kori ekikapu, itemokino kiric; ani ŋini emamukar atum, itemokino togyela elou, tosodi togyelu atum.

Luk. 9:3

Tolimok iŋes ikes tema, “Nyitiŋa idiobore ilosete; ebela kori ecwee, akimuj kori ŋisiliŋa; nyitiŋa daŋ ŋilowi ŋiarei.

2 Ŋikor. 8:15

Ikwapei ebaakatar Ŋakigireta ebe, “Ituŋanan ŋini kebu kirirau ŋuna alalak, pa ayakar ŋuna alalak nooi ka ŋini kebu kirirau ŋuna ekudyoko, pa ayakar ŋuna ekudyoko nooi.”

Ŋikis. 8:16

ka ikisimuj iyes analoŋisat a akimuj a ŋina anyaritae Manna, akimuj ŋina pa ayenete atapapaa kus; abu Ekapolon kitiya ŋun akitiditeunia ka akikatakinia iyes, ikotere ekaku kitiya ŋuna ajokak neni kus.