Luk. 22:26 - Ebaibul

²⁶ Nai nyitemokino ŋakiro ikote neni aneni kus; itemokino ŋini epol aneni kus kikwaanikin ka ŋini edit ka ekarikon kikwaanikin ka eketiyan.

Luk. 22:26 Iomraidhean Croise

Mat. 20:26

Nai nyitemokino ŋun totakanut aneni kus; ani ŋini ecamit apolou alokidiŋ kus, itemokino toruwor eketiyan kus.

Mar. 10:43

Nai nyitemokino ŋun totakanut aneni kus; ani ŋini ecamit apolou alokidiŋ kus, itemokino toruwor eketiyan kus.

Mar. 9:35

Kiboikin nai Yesu kwap, tonyara ŋikasyomak keŋ ŋulutomon ka ŋiarei tema, “Ituŋanan daadaŋ ŋini ecamit aruwor ŋini eŋarenon, itemokino toruwor iŋes ŋini esidyon ka eketiyan a daadaŋ.”

Luk. 9:48

tolimok ikes tema, “Ŋinituŋanan ijauni ikoku ŋini cici ŋini ikoni en alokiro kaŋ, ekejauni ayoŋ; a nen ŋini ekejauni ayoŋ, ijaunit tari ŋini ekeyakuunit ayoŋ. Anerae ŋini itiditeuna alokidiŋ kus, iŋes epol nooi.”

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

1 Pet. 5:3

Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”