Luk. 22:18 - Ebaibul

¹⁸ anerae akalimokini ayoŋ iyes atemar, ameun tokona emam nabo nyamasi epiini akitodol Akoloŋit ŋina ebunio Apukan ka Akuj.”

Luk. 22:18 Iomraidhean Croise

Ŋikiru. 104:15

toryamuniata epiini ŋolo einakini ikes alakara, toryamuniata akimyet ŋina eninanakinosi tomalumalut, toryamuniata akimuj ŋina einakini ikes agogoŋu.

Eete a Ŋie. 5:1

Abu ayoŋ lomanikor kaŋ, nakaato kaŋ ka ateran kaŋ, adau ayoŋ acunakin eminae ŋolo akukunyon ka ŋikito ŋulu akukunyok, adau ayoŋ akinyam ŋapune ŋuna ka ao kaŋ ka akimyet ŋina ka ao kaŋ, adau ayoŋ akimat epiini kaŋ ka ŋakile kaŋ. Okoe ŋikonei kaŋ, kimuja ka tomata, ibus ŋolominat kaŋ alokidiŋ ŋisorok, ŋuluminan kaŋ, tomata kimwoko.

Isa. 25:6

Esubakini alomoru alo Ekapolon ŋolo a ŋajoresyo ŋasuban ŋuna ka akimuj a ŋina ajokan aŋuna a ŋituŋa a daadaŋ, ŋasuban ŋuna a epiini a ŋolo abobon nooi, ŋuna ka akimuj a ŋina ajokan nooi ka epiini ŋolo abobon nooi ŋolo eliitae ejok.

Isa. 55:1

Okoe, potu daadaŋ ŋulu ikinyamit akure, potu neni eya ŋakipi ka iyes ŋulu imamukatar ŋisiliŋa potu, potu togyela ka kimuja! Potu togyela epiini ka ŋakile emam ŋisiliŋa ka emam etyae a ŋisiliŋa.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Sakar 9:17

Ejokyar nooi ka ibusyar nooi akwap kec. Epolounete anakwap a ŋin ŋisorok ka ŋasorok erae ŋulu itogogoŋit ekidikidi ka epiini.”

Mat. 16:18

Akalimokini ayoŋ iyoŋ atemar, irae iyoŋ Petero, (apolou keŋ atemar ataaba.) Nataaba ŋin iŋes adukokini ayoŋ akai kaŋ ka nyepedori atwanare akiloun iŋes.

Mat. 26:29

Akalimokini ayoŋ iyes atemar, nyamasi nabo ŋuna ke epiini, mati kedol akoloŋit ŋina ikimasya iwon a Napukan a Papa kaŋ.”

Mar. 14:23

Tolemu nai ekopo, ani kedau akitalakar Akuj, inak ikes, tomata daadaŋ.

Mar. 14:25

Akalimokini ayoŋ iyes kire atemar, nyamasi nabo ayoŋ ŋuna ke epiini akitodol akoloŋit ŋina amasya ekitetyana a Napukan ka Akuj.”

Mar. 15:23

Inakis ikes iŋes epiini ŋolo enyalitae ka apid, towou Yesu akimat.

Mar. 9:1

Torubak Yesu irworo ebala, “Akalimokini ayoŋ iyes kire atemar, eyakasi ne ŋulu nyiirete atwanare, eriŋa nyeanyuwara Apukan ka Akuj ebuni ka apedor.”

Luk. 21:31

Ikwaŋinapei, ani iŋolikinete iyes ŋun itiyakin, toanyutu atemar aapuu Apukan ka Akuj adolun.

Luk. 22:16

Akalimokini ayoŋ iyes atemar, emam nabo jik nyemuji akimuj na akitodol akoloŋit ŋina iyookinor apolou keŋ a Napukan ka Akuj.”

Luk. 9:27

Akalimokini ayoŋ iyes kire atemar, eya ne ŋice ŋulu nyiirete atwanare, eriŋa nyeanyuwara Apukan ka Akuj.”

Ŋikol. 1:13

Abu iŋes ikilaku iwon anapedor a ŋina ka akiryonut ka ikilopa iwon Napukan a Lokoku keŋ a ŋolo minat,

Ŋikat. 9:13

Nai tolimok ekitoe a epiini ikes tema, ‘Apedori mono ayoŋ ajoŋore araunun ŋaraito kaŋ ŋuna ecumununuyo epiini, epiini ŋolo einakini alakara neni a ŋakujo ka ŋituŋa, ido olot akipuka ŋikito a?’