Luk. 21:28 - Ebaibul

²⁸ Ani edoli ŋirwa ŋulu iyookinotor ŋun daadaŋ, towua kireosi ŋakyes kus kidiama, anerae aapuu aiuno kus.”

Luk. 21:28 Iomraidhean Croise

Luk. 13:11

Ayai aberu ŋina ayakar ekipye ŋolo etoŋwalit iŋes ŋikaru ŋitomon ka ŋikanikauni. Akudokina iŋes pa apedori akitenar.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Luk. 21:29

Abu Yesu tolimok ikes akitadapet na tema, “Totamakisi mono iyes epite ŋolo ke ebobore ka ŋikito ŋuluce daadaŋ.

Ŋirom. 8:19

Idarito nooi ŋisubuna daadaŋ apaki ŋina iseleereunio Akuj ŋidwe keŋ.

Ŋirom. 8:23

Nai meere ŋisubuna bon irurumaete anaryeba; iwon daŋ ŋulu ikiyakar Etau ŋolo ka Akuj ikwapei ainakinet ka Akuj ŋina ke ekiŋaren, ikirurumae anaryeba alotooma yok, anapaki a na a ŋina ikidaritor Akuj ikituruwo iwon ŋidwe keŋ, tolacak ŋawat yok anatwanare.

Ŋiep. 1:14

Etau ŋol iŋes erae akitoodikinet neni yok atemar eryamunio iwon ŋarereŋisyo ŋuna adau Akuj akiikin neni a ŋituŋa keŋ apaki ŋina elakunia Akuj ŋituŋa keŋ jik, ikotere nai kipuroe apolou keŋ.

Ŋiep. 4:30

Nyitunyunyurikis Etau ŋolo Asegan ŋolo ka Akuj, anerae erae Etau ŋolo Asegan emacar keŋ ŋolo ikituruworit iyes ŋulu keŋ, ibore ŋini itoodiunit atemar ebunit Akoloŋit ŋina ikilakunia Akuj iyes jik.