Luk. 20:20 - Ebaibul

²⁰ Kiwara ikes erot ŋolo kikamunet iŋes, ikotere torikosi iŋes lokapolok ŋulu a Ŋiromanin. Kiluŋuluŋa ikes ŋibekae, inakis ŋisiliŋa kiyakiyasi nai alokun Yesu alorwor keŋ. Toloto ŋibekae neni a Yesu esubito ŋituŋa ŋulu ajokak.

Luk. 20:20 Iomraidhean Croise

2 Sam. 14:2

Aŋun, abu Yoab kiyakiya ituŋanan ice Tekoa ayaun aberu ŋina aoson a nen. Tema Yoab neni ka aberu a ŋin, “Kiredak, totakan esibit igworo ituŋanan ŋini atwana, tonap ŋilowi ŋulu kigworet, nyiosakin akimyet adio, nai kitoodiu ŋipitesyo daadaŋ ŋulu esibitor kigwor iyoŋ ŋirwa ŋulu alalak aŋuna a ituŋanan a ŋini etwanit.

Ŋikiru. 38:12

Akalokunito ayoŋ ŋulu iwarito akiar ayoŋ; irworosi ŋulu iwarito akiwan ayoŋ ŋakiro ŋuna akamunaarete ayoŋ, ido etukete apaaran jwi akiar ayoŋ.

Ŋikiru. 66:3

Temasi neni ka Akuj, “Eumokinito nooi ŋituŋa ŋakiro ŋuna itiya iyoŋ! Aŋuna ka apedor kon a ŋina apolon nooi, etiditeunosi ŋimoe kon, aryediko alokiŋaren kon.

Ŋikiru. 81:15

Eryamunio atemar erae ŋulu eremokino Ekapolon ŋikalyokonok, erubakini akisicanio kec ŋikaru ka ŋikaru.

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Dan. 6:4

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo kiwara ŋirotin ŋulukitoroniyaret epite ŋolo epukator Daniel. Nai apotu ikes nyeryamut idiobore ŋinikitoroniyaret Daniel, kori atuna adio aneni keŋ, anerae arae Daniel ituŋanan ŋini ekinyoma, ŋini pa alejeono, kori ŋini pa aryamununuyo itunae.

Mat. 27:2

Toena ikes iŋes torikosi inakis Pilato ŋolo awuoikinit apukan ŋina a Roma alo Yudaya.

Mar. 3:2

Tolokut ŋituŋa iŋes kepedori akitaŋaleun ekile ŋol akoloŋit ŋina a Sabato, ikotere isitakiniata iŋes.

Luk. 11:54

Alokito ikes iŋes ecamito aripun, keya ŋakiro ŋuna aronok ŋuna epedori iŋes alimun.

Luk. 20:21

Tolimokis ŋibekae ŋul Yesu temasi, “Eketataman, ikiyeni isua atemar iyookino ŋakiro ŋuna irworo iyoŋ ka ŋuna itatami daŋ. Nyimisit iyoŋ kepol ituŋanan kori kemam, nai itatami iyoŋ ŋuna a kire ŋuna ka Akuj alopite a ŋolo iyookino.

Luk. 20:26

Toŋopikis ikes ŋakiro ŋuna lokunet iŋes a nen alokiŋaren ŋituŋa. Toumokis ikes nooi a ŋakiro a ŋuna aboŋokini Yesu, kililiŋa cek.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!