Luk. 20:10 - Ebaibul

¹⁰ Ani edoli ŋirwa ŋulu elemere, kiyakiya iŋes epito keŋ loketiyak akijaun ŋadiraito; nai apotu ŋiketiyak kikamut epito ŋol, kibuŋata, kitoboŋosi iŋes emam idiobore etiŋit.

Luk. 20:10 Iomraidhean Croise

1 Ŋirw. 22:24

Tolot nia Sedekia lokoku a Kenaana neni a Mikaia, kibap iŋes lokeli, kiŋit tema, “Ai etori Etau ke Ekapolon aneni kaŋ ebuni akisirwor iyoŋ?”

2 Ŋirw. 17:13

Nai ecikit Ekapolon Isirael ka Yudaya alotooma erwor a ŋikadwarak keŋ a daadaŋ ka ŋikisileerekinok ebala, “Toesikisi ŋiticisyo kus ŋulu aronok. Kiwuapa ŋakiciketa kaŋ ka ŋikisila kaŋ, lopite ŋolo ecamakinitor ekisil daadaŋ ŋolo ecikitor ayoŋ atapapaa kus kiwuapa, ido abu ekekobak iyes esitoru neni a ŋikadwarak a ŋulu erae ŋiketiyak kaŋ.”

1 Ŋakiro a ŋirwa 19:4

Aŋun, abu Anun kikama ŋituŋa ŋulu eyakit Daudi, tobanya ŋipeneka kec, totub ŋilowi kec alokidiŋ anacirin, ido kirita ikes toloto nariet;

2 Ŋakiro a ŋirwa 16:10

Aŋakiro a ŋun, abu Asa toŋoik Anani eketeyenikinan; toŋo Asa nooi, kiwuak eketeyenikinan ŋol mabus. Apaki ŋinapei, kisyak Asa aryenyaanikin ŋituŋa ŋice.

Neem. 9:26

“Kikote neni daŋ, apotu ikes nyiwuapa ŋakiro kon ka apotu itoŋero iyoŋ tojamuwasi ŋikisila kon ka toara ŋikadwarak kon ŋulu apotu tolimokis ikes akimyekin ŋuna aronok ŋuna etiyaete ikes ikotere eboŋunete neni kon, apotu daŋ ikes ikiyanya iyoŋ nooi.

Neem. 9:30

Alotooma ŋikaru ŋulu alalak, ibu iyoŋ kidaŋidaŋ ŋakiro kec. Alotooma etau kon, ibu iyoŋ tolimonok ikes aneni a ŋikadwarak akimyekin akitiya ŋuna aronok, nai apotu nyecamut akiirar ŋakiro kon. Aŋun, ibu iyoŋ kipotok ikes napedor a ŋituŋa a ŋakwapin.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 20:2

Abu Pasur kidic Yeremia, ido toen a ŋiriko alopuke a ŋolo ayai nenimukur, a ŋolo enyaritae epuke a Benjamin alo Kai a Ekapolon.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Luk. 20:11

Kiyakiya nabo iŋes epito keŋ ece, kibuŋata ŋolo daŋ, tobolyatar, kitoboŋosi a ŋakan.

Luk. 20:9

Tolimok Yesu ŋituŋa akitadapet na, “Abu ekile kita emanikor ŋolo a ŋikito a ŋulu ecuyo epiini, ido kicikak ŋituŋa ŋulu etiyaete lomanikor, tolot nai iŋes akiboi lobuku ece.

Yoa. 15:16

Nyeseuna iyes ayoŋ; nai akaseu ka akatyaku ayoŋ iyes, toloto toraa ŋaraito ŋuna alalak ŋuna nyedaun, ikotere ani ŋinibore daadaŋ iŋitasi aneni a Papa alokiro kaŋ, ikiinakini.

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.