Luk. 2:4 - Ebaibul

⁴ Tonyou Yosepu daŋ alore a Nasaret a ŋolo eyai nakwap ŋina a Galileya, tolot lotaun a Daudi ŋolo anyaritae Betelem anakwap a ŋina a Yudaya. Alosi iŋes inaa, anerae arae iŋes ŋolo anateker a Daudi.

Luk. 2:4 Iomraidhean Croise

Akisy. 35:19

Totwan Rakel a nen, tonukae kidiŋ neni aya ikes ka Epurat (iŋes Betelem).

Akisy. 48:7

Alimu ayoŋ ŋun, anerae apaki ŋina abunio ayoŋ alo Padan, ŋuna apotu okoinakis ayoŋ akiyaloloŋ ikes nu, abu Rakel totwana anakwap a Kanaan eriŋa ewosyo, toris Epuras keapuu iwadio. Aŋun, abu ayoŋ onuk akuwan keŋ nen diyete erot ŋolo elosi Epuras” (iŋes Betelem).

Mika 5:2

Abu Ekapolon tema, “Betelem, etaun ŋolo eyai Epurata, tari kerae iyoŋ idit nooi alotaunio a ŋulu ka ateker a Yuda, alemuni ayoŋ ekepukan aneni kon, ekepukan ŋolo ebuni akipuka Isirael, ekepukan ŋolo eponito ŋakiro keŋ ananyameta a ŋuna a koloŋ.”

Mat. 1:20

Nai ani eriŋa iŋes etamatamae ŋakiro ŋun, totakanu emalaika ŋolo ke Ekapolon neni keŋ anakiruja tema, “Yosepu lopapait a Daudi, nyikuryaniar akiit Maria toruwor aberu kon, anerae ŋini epoti iŋes ebunit aneni ke Etau a ŋolo Asegan;

Mat. 2:23

Kiboi alotaun a ŋolo anyaritae Nasaret, kiyookinotor ŋuna erworito ŋikadwarak ebe, “Enyarao iŋes Enasaroit.”

Luk. 2:3

Toloto nai ŋituŋa daadaŋ akigiro; a ŋinituŋanan tolot lokitela a papa keŋ.

Luk. 2:5

Torukosi iŋes ka Maria ŋina eikinitae iŋes akiit, ŋina daŋ apoti.

Luk. 4:16

Bu nai Yesu Nasaret neni koloŋ apolounio iŋes; ani akoloŋit ŋina a Sabato, tolot losinagoga ikwaŋinapei sek. Abu iŋes tonyou akisyom;

Yoa. 1:46

Tolimu Nasaniel tema, “Epedori mono idiobore ŋini ajokan alomun alo Nasaret a?” Tolimok nai Pilipo iŋes tema, “Bua, ido toanyu!”

Yoa. 7:42

Kire igiritae Nakigireta ebe, erae Kristo lopapait a Daudi, ebuni iŋes alo Betelem alore a ŋolo koloŋ ayai Daudi.”

Rus. 1:19

Toloto ikes ŋaarei torukosi akitodol neni alomaryata lotaun Betelem. Ani elomarete ikes Betelem, kiguryakin ŋituŋa a etaun a daadaŋ iŋolikinete ikes. Temasi ŋaberu, “Erae mono na Naomi a?”

Rus. 2:4

Apaki ŋin, bu Boas alo Betelem, kimala ŋikalemak tema, “Toyai Akuj neni kus.” Toboŋokis ikes temasi, “Ikiterereŋ iyoŋ Akuj.”

Rus. 4:11

Temasi ŋituŋa daadaŋ ŋulu aya lotemu diyete epuke kaapei ka ŋikasikou ebe, “Ikirae isua ŋisuudae. Kisikwaanik Akuj aberu ŋin ŋina elomuni lokal kon ka Rakel ka Lea ŋuna apotu kitatakanut ŋituŋa ŋulu a Isirael. Iyoŋ daŋ touri ŋidwe alo Epurata kiturubak ekiro a Ekapolon alo Betelem.

Rus. 4:17

Tolimokis ŋaberu ŋuna arae ŋakidunyet ikoku ekiro temasi, “Erae en isapat ŋini idounitoe aŋuna a Naomi.” Tosodi tolimokis ekiro a ikoku Obed. Obed iŋes abu touru Yese ŋolo arae papa a Daudi.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 16:4

Abu nai Samuel kitiya ŋuna ecikit Ekapolon, bu tari Betelem. Potu ŋikasikou a Betelem akisiryam Samuel emaranete, kiŋita Samuel temasi, “Ibunit iyoŋ isilit a?”

1 Sam. 17:12

Arae Daudi lokoku a Yese a ŋolo arae Epurasi a ŋolo alo Betelem anakibois a ŋina alo Yudaya. Ayakar Yese ŋidwe ŋulusapa ŋikanikauni. Apaki ŋina araakar Saul erwosit apol Yese alalak ŋikaru.

1 Sam. 17:58

Kiŋit Saul iŋes tema, “Lokoku a ŋae iyoŋ esorokit?” Toboŋok Daudi tema, “Arae ayoŋ lokoku a Yese a eketiyan kon a ŋolo alo Betelem.”

1 Sam. 20:6

Ani nai acepaki kekeitan ayoŋ papa kon, tema iyoŋ iŋes, ‘Abu Daudi ekemaima ayoŋ acamakin iŋes alosit Betelem, lotaun kec atipei, anerae earitae a nen amuronot ŋina eareneneo a ŋolokaru aŋuna ka ateker kec a daadaŋ.’