Luk. 19:44 - Ebaibul

⁴⁴ Ikinyasunete ikes iyes ka ŋidwe kus ŋulu eya tooma ŋakorya kus; emam amoru tari apei daŋ ŋina imyekinio ewuoi, anerae pa iyenete iyes apaki ŋina ebunio Akuj aiun iyes!”

Luk. 19:44 Iomraidhean Croise

Ŋikiru. 137:9

Elakar ŋituŋa ŋulu ikamarete ŋiŋwea kus kidesanakis natabab.

Isa. 10:3

Anukiro ipote iyes akitiya akoloŋit ŋina ikisicanere iyes, akoloŋit ŋina ikidolokinioto iyes ŋican ŋulu eponito aneni alwanan? Neni a ŋae iemete iyes aryamun akiŋarakino ka ai imyekiniata iyes ebari kus,

Isa. 29:3

Abuni ayoŋ akiboikin Ariel lopite ŋolo abunio Daudi kiboikin nen, erikauni ayoŋ Ariel, odukok ŋaduketa ŋuna aoyak kiryama etaun, ido ewuak akititis kiŋa arwatata ŋina ke etaun kus.

Yer. 11:23

Mam ŋipiya idoŋete alotuŋa a ŋul, anerae ayauni ayoŋ ŋican lotuŋa ŋulu ka Anasos, eyakaun ekaru ŋolo ka akisicanio kec.’ ”

Aum. 1:8

Apotu ŋituŋa a Yerusalem toseca nooi, aŋun, eturuwor iŋes etaun ŋolo ejamuwaritae, ajamuwasi iŋes ŋituŋa daadaŋ ŋulu sek etopoloorito, anerae eŋolikis emam ibore eyai; eumenete ŋituŋa keŋ ka nyecamito akiŋolikin etaun kec.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Mat. 24:2

Nai tolimok Yesu ikes tema, “Iteete iyes ŋiboro lu daadaŋ a? Akalimokini ayoŋ iyes kire atemar, nyidoŋi nege tari amoru apei daŋ ŋina nyeukoryo.”

Mar. 13:2

Tema Yesu iŋes, “Ite iyoŋ ŋaduketa ŋuna apolok nu a? Emam amoru apei daŋ ŋina idoŋi kidiama ŋinace nyeukoro.”

Luk. 1:68

“Kipuroe Ekapolon Akuj a Isirael, anerae abu iŋes lotuŋa keŋ alacakin ikes.

Luk. 1:78

Epatana nooi Akuj yok ka isyoniono. Abu aiuno keŋ neni yok ikoni neni ipiripirunia akoloŋ

Luk. 19:42

tema, “Okoe, kerae ca toyenete iyes nakuwar na ibore ŋini erae ikisilet! Nai tokona iwuaitae anakonyen kus!

Luk. 21:6

“Nu daadaŋ ŋuna iteete iyes edoli akoloŋit ŋina nyidoŋio tari apeimoru ewuoi a nege; eukoryo ŋamoru daadaŋ.”

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.