34 Toboŋokis ikes temasi, “Ekapolon iitanit iŋes.”
“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”
Ani eriŋa ikes elacete isigirya, kiŋita ŋilopeyek ikes temasi, “Kaanukiro ilacata iyes isigirya?”
Torikut nai ikes isigirya neni a Yesu, kidokokis ŋikecelowi kidiama, ido kiŋarakis Yesu adokar nisigirya.
(Ikiyeni atemar iyookino Ŋakigireta kire;) ido abu Akuj tonyara ŋituŋa ŋulu alimokinio ŋakiro keŋ, ŋakujo.
Apaki ŋin, nyeyenut ŋikasyomak keŋ apolou ŋina a ŋakiro a nu, nai ani itopolooryo Yesu anayarun keŋ, totamut ikes atemar kigiritae ŋun Nakigireta aŋuna keŋ ka keponi kitiyakinae neni keŋ.
Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.
