Luk. 19:14 - Ebaibul

¹⁴ Nai aremokino ŋituŋa ŋulu ka akwap keŋ iŋes, kiyakiyasi ŋituŋa neni alosi iŋes temasi, ‘Nyikicamit isua ituŋanan ŋin eruwor erwosit kosi.’

Luk. 19:14 Iomraidhean Croise

2 Sam. 23:7

Ani ecamit ituŋanan atukokin ikes, emaikina kisitiya eroges, kori amorok ŋina ka akwara; ido kicunyak ikes anenipei etukokini a nen.”

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Luk. 14:32

Ani pa kepedori, iyakiyari iŋes ŋituŋa kisiryama erwosit ŋoloce eriŋa elwana, kiŋit akisil ka iŋes.”

Luk. 19:13

Tosodi iŋes tonyarau ŋiketiyak keŋ ŋitomon eriŋa iŋes nyerotokino, tokorak ikes ŋisiliŋa ŋitomon ŋulu etiyaunitae ke egolid itiriyanit tolimok tema, ‘Kicurutaata ikes tari ŋina aboŋunio ayoŋ.’

Luk. 19:15

“Toboŋu iŋes lore kedaun akituruwor erwosit. Tonyarau iŋes ŋikeeketiyak ŋulu ainakinit iŋes ŋisiliŋa ecamit aanyun etyae ŋolo kepotu ikes kipoidaut.

Luk. 19:27

Nai ani ikwa ŋimoi kaŋ lu, ŋulu nyakacamito ayoŋ akipuka ikes, torikutu ikes ne toŋolae ete ayoŋ!’”

Yoa. 1:11

Abu iŋes bu lore keŋ, nai apotu ŋituŋa keŋ nyijaut iŋes.

Yoa. 15:18

“Ani kikitidiŋa iyes ŋituŋa ŋulu ka akwap, toyenete atemar aris keketidiŋa ayoŋ eriŋa iyes.

1 Sam. 8:7

Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.