Luk. 18:32 - Ebaibul

³² Ipotokinio iŋes lobukui ŋulu nyerae ŋulu a Ŋiyudayan, tokyenatar ikes iŋes kibuŋata ka kimwaanakis.

Luk. 18:32 Iomraidhean Croise

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Isa. 52:14

Ikwapei abunio tobulio ŋulu alalak iŋolikinete iŋes, abu akuwan keŋ totakan erae ŋina enyasuna, pa ekoni ŋina a ituŋanan a idio a ŋini ibuŋatae nooi ka abu iŋes totakan esibit meere ituŋanan.

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Mika 5:1

Ŋituŋa a Yerusalem tocunakisi ŋajorei kus! Adaut ŋimoe akirimokin iwon kidiŋ; itijiete ekarikon a Isirael.

Mat. 16:21

Ameun apaki ŋinapei ŋin, togeu Yesu akisileerekin ŋikasyomak keŋ tema, “Itemokino ayoŋ olot Yerusalem ekesicani nooi alokatukok, alosacaradotin a ŋulu apolok, aloketatamak a Ŋikisila ka okaari. Nai kelunyar ŋirwa ŋiuni, ayaruni.”

Mat. 20:19

Ipotokinete ikes iŋes neni a ŋibukui a ŋulu nyerae Ŋiyudayan, kisoloto, kibuŋata ka kibubukis lomusalaba. Nai kelunyar ŋirwa ŋiuni, iteyarunio iŋes alokatwak.”

Mat. 22:6

Kikamut ŋuluce ŋipi, kibuŋata ka tobolyatar.

Mat. 26:67

Kisyakis ikes akimwaanakin iŋes loreet, kibuŋata ŋice ka kibapabapata ŋice iŋes

Mat. 27:2

Toena ikes iŋes torikosi inakis Pilato ŋolo awuoikinit apukan ŋina a Roma alo Yudaya.

Mar. 14:65

Kisyakis ŋice akimwaanakin iŋes, akirap ŋakonyen keŋ ka akibapabap iŋes ebasi, “Totedo ŋini ikibap iyoŋ?” Kibapabapata ŋisigarya daŋ iŋes.

Mar. 15:1

Taparacu sek, totukokinos ŋisacaradotin ŋulu apolok ka ŋikatukok ka ŋiketatamak ŋulu a Ŋikisila ta Atukot daadaŋ. Toena ikes Yesu torikosi inakis Pilato.

Luk. 18:33

Ibuŋaete ikes iŋes toara; nai kelunyar ŋirwa ŋiuni, eyaruni iŋes.”

Luk. 23:1

Tonyout ŋituŋa daadaŋ a Natukot, torikosi Yesu neni a Pilato.

Luk. 23:11

Apotu Erode ka ŋisigarya keŋ kitiyata ŋakiro ŋuna a ŋileec neni a Yesu ka tobolyatar iŋes. Ani kedaut, kitanapa iŋes elou ikwa erwosit, kinyakasi nai iŋes neni a Pilato.

Luk. 23:35

Awuasi ŋituŋa a nen iteete iŋes, tokyenatar ŋikapolok ŋulu a Ŋiyudayan iŋes ebasi, “Aiununui ŋoon iŋes ŋuluce, kimyekisi cenite toiun bon, erae kerae iŋes Kristo ŋolo ka Akuj ŋoloseuna!”

Yoa. 18:22

Ani kedau Yesu alimun ŋakiro ŋun, abu epei alokidiŋ ŋiketeok kibap iŋes tema, “Ikokini iyoŋ irworo neni ke esacaradoti a ŋolo apolon ikoŋina ai?”

Yoa. 18:28

Ani taparacu iwali akwap, torikosi ikes Yesu alokai a Kaipa tari kai ŋina apolon ŋina ke ekapolon a Ŋiromanin, a ŋolo anyaritae Pilato. Nyelomasi ŋikarikok ŋulu a Ŋiyudayan tooma akai ŋin, anerae pa acamito ikes amunaar asegis kec aŋuna ka akimuja ŋasuban ŋuna a Paska.

Yoa. 18:30

Toboŋokis ikes temasi, “Kerae nyitiyat ekile lo ŋuna aronok, pa kikipotokinit isua iŋes neni kon.”

Yoa. 18:32

(Etiyakinosi ŋun, ikotere kiyookinotor ŋakiro ŋuna alimunit Yesu, itoodiunit epite ŋolo etwania iŋes.)

Yoa. 18:35

Toboŋok Pilato iŋes tema, “Arae mono ayoŋ Eyudayat ŋolo ayeni ŋun a? Erae ŋikonituŋa ka ŋikonisacaradotin ŋulu apolok ikipotunito iyoŋ neni kaŋ. Nyo isecit iyoŋ?”

Ŋitic. 2:23

Aris Akuj anacamit ka anaosou keŋ ka alope ketyaku atemar itemokino ikirikokin iyes Yesu ka toara iŋes, anajalakin ŋituŋa ŋulu asecak ibubukinete iŋes lomusalaba.

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.