Luk. 18:16 - Ebaibul

¹⁶ Tonyarau Yesu ŋidwe neni keŋ tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Luk. 18:16 Iomraidhean Croise

Akisy. 21:4

Ani edolete ŋirwa a Isaka ŋikanikauni, kileŋer Aburaam iŋes ikwapei sek ecikitor Akuj iŋes.

2 Ŋakiro a ŋirwa 20:13

Apaki ŋin, awuasi ŋikilyok ŋulu a Yudaya daadaŋ ka ŋaberu kec ta ŋidwe kec alokiŋaren Ekapolon.

Yer. 32:39

Ainakini ayoŋ ikes etau epei ka epite epei, ikotere eketopoloorito ikes ayoŋ ŋapakio daadaŋ aŋuna ka ajokis kec ka ajokis a ŋidwe kec ekaku kec.

Mat. 19:14

Nai tolimok Yesu ikes tema, “Kimyekisi ŋidwe potu neni kaŋ. Nyiretakis ikes, anerae erae Apukan ŋina anakuj ŋina a ŋulu ikote lu.”

Luk. 18:15

Torikut ŋicetuŋa ŋidwe neni a Yesu, ecamito iŋes kidokok ŋakeekan neni kec; nai ani iŋolikinete ŋikeekasyomak ŋun, kiretakis ikes.

Luk. 18:17

Akalimokini ayoŋ iyes kire atemar, ŋinituŋanan nyijauni Apukan ka Akuj ikwa ikoku ŋini cici, nyelomari jik Napukan ŋin.”

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

1 Ŋikor. 7:14

Anerae ecamunit Akuj iŋes aŋuna ka akimorikina ka aberu keŋ. Aberu ŋina nyerae Akristoit daŋ ecamunit Akuj aŋuna ka akimorikina ka ekile ŋolo Kristoit. Kerae nyikote nen, kikote ŋidwe kec ŋulu a ŋituŋa a ŋulu nyenupito Akuj; nai ecamunit Akuj ikes.

Ŋikis. 29:11

icunakina iyes ne ka ŋidwe kus, ŋaberu kus ka ŋigelaanotin ŋulu iboiyete ka iyes, ŋiketiyak kus ŋulu eyepete ŋakito ka ŋulu eokete ŋakipi aŋuna kus,

Ŋikis. 31:12

Akoloŋit ŋin tocunakisi ŋituŋa, ŋikilyok, ŋaberu ka ŋidwe kaapei ka ŋigelaanotin ŋulu iboiyete alotaunio kus, ikotere kiirasi ka toyenut akitopoloorit Ekapolon Akuj kus, kiwuapa ejok ŋakiro daadaŋ ŋuna eya lokisila ŋul,

1 Pet. 2:2

Ikwapei iitanitotor ŋiŋwea ŋulu idounio ŋakile, kiitana iyes daŋ ŋakile ŋuna erae akirot ŋina ka Akuj, ikotere nai topolout ka toiunos.