Luk. 18:14 - Ebaibul

¹⁴ Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Luk. 18:14 Iomraidhean Croise

Yob 22:29

Elemanari Akuj akituro a ŋulu iturosi, ido eiununui ŋulu itiditeuna bon.

Yob 25:4

Alipite nai epedorya ituŋanan aruwor ŋini iyookino alokiŋaren Akuj? Alipite nai epedorya ituŋanan ŋini arae aberu auruuni aruwor ŋini emam asecit?

Yob 9:20

Tari kemam ŋakiro ŋuna aronok ŋuna etiyat ayoŋ, ekesitakinito ayoŋ ŋakiro ŋuna erworo, tari kemam ŋakiro ŋuna eketoroniyaritere ayoŋ, itoodiuni Akuj ŋakiro ŋuna nyaraakar ayoŋ ŋolo eyookino.

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋikiru. 143:2

Nyikitubok ayoŋ eketiyan kon, anerae mam alotuŋa a ŋulu eyarete ŋini iyookino alokiŋaren kon.

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Ŋakit. 15:33

Akitopoloorit Ekapolon, itatami ituŋanan aruwor ŋini eyakar aosou, ido emaikina mono ituŋanan erae ŋini itiditeuna bon, toryamu nai akitopolooro.

Ŋakit. 18:12

Ani eriŋa ituŋanan nyemunaara, ileleba akituro lotau keŋ, nai akitiditeuna mono emaikina eyakar ituŋanan eriŋa nyitopolooro.

Ŋakit. 25:7

anerae ejok ikilimokinio ebe, “Bua laalo,” akilo iyoŋ akisiyotor iwace alodiyete ŋikapolok.

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Ŋakit. 3:34

Itepegi Akuj ŋiketurok, nai itoodikini ajokis neni a ŋulu itiditeuna.

Ekal. 9:7

Torubakisi imujete akimuj kus analakara ka imasete ŋimaten kus analelyanu a ŋitai kus; anerae edaunit sek Akuj akitemokin ŋuna emaikina iyes kitiyata.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Abak. 2:4

Ŋakiro ŋun ikes nu, ‘Nyeyarete ŋulu itiyaete aronis, nai eyarete ŋulu iyookino, anerae ikinyomito Akuj.’ ”

Mat. 23:12

Ituŋanan ŋini itopolooro bon, itiditeunio ka ŋini itiditeuna bon, itopolooryo.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Luk. 1:52

Ekota iŋes ŋikapolok alokicoloŋo kec, ka etopoloo ŋulu itiditeuna alotai kec.

Luk. 10:29

Nai ikwapei acamitor iŋes akitojoka, abu iŋes kiŋit Yesu tema, “Ŋae erae ekaakidunyet?”

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 4:5

Nai ituŋanan ŋini ikinyomit Akuj ŋina isiyookini ŋikasecak, meere ŋiticisyo keŋ eyenuni iŋes atemar erae anupit keŋ, imarakini Akuj aŋuna ka alimor atemar iyookino iŋes alokiŋaren keŋ.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 8:33

Ŋae isitakini ŋituŋa ŋulu ka Akuj ŋulu eseunitae? Emam ipei daŋ, anerae Akuj alope acamu ikes erae ŋulu iyookino alokiŋaren keŋ.

Ŋigal. 2:16

oyenete bo isua atemar elimori Akuj atemar iyookino ituŋanan alokiŋaren keŋ aŋuna ka anupit Yesu Kristo bon, meere aŋuna itiyaa ŋuna ecamito Ŋikisila. Isua daŋ, ikinupit Yesu Kristo, ikotere elimori Akuj atemar ikiyookino isua alokiŋaren keŋ aŋuna ka anupit kosi Yesu Kristo, meere aŋuna ka akitiya ŋuna ecamito Ŋikisila. Anerae emam ituŋanan elimoryo atemar iyookino alokiŋaren Akuj aŋuna itiyaa ŋuna ecamito Ŋikisila.

Yak. 4:10

Kitiditeunos alokiŋaren Ekapolon, ido ikitopoloori iŋes iyes.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Sam. 1:18

Tema Ana, “Kimyekinae ayoŋ aketiyan kon ojokyar aneni kon.” Torotok nai Ana a nen, tolot nakibois keŋ, kisyak akimuj ka akimat kaapei ka lokile keŋ, todaun asiliyorit ŋina ka akiyaloloŋ aneni keŋ.