Luk. 18:13 - Ebaibul

¹³ “Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Luk. 18:13 Iomraidhean Croise

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

Esir 9:6

otema, “Okoe Akuj kaŋ, ekerumito ayoŋ ŋileec nooi ka nyacamit akikeun ereet kaŋ neni kon Akuj kaŋ, anerae alalata ŋasecisya kosi nooi ka adolu ekaile kidiama.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 106:6

Ikidau isua akisec ikwapei atapapaa kosi; ikidau akitiya aronis, ikidau akitiya ŋuna aronok.

Ŋikiru. 119:41

Elipi oryamu amina kon ŋina nyiryaŋiryaŋa, okoe Ekapolon, oryamu aiuno kon alotooma akiikinet kon;

Ŋikiru. 130:7

Okoe Ŋisirael, kiwuakisi akigeno kus neni ke Ekapolon, anerae amina keŋ erae ŋina nyiryaŋiryaŋa, ido etenit iŋes alakun iyes a ŋinapaki.

Ŋikiru. 25:11

Aŋuna ka akitopoloor ekiro kon, okoe Ekapolon, kisyoni ŋasecisya kaŋ, anerae elalak nooi.

Ŋikiru. 25:7

Tojoŋo atamunit ŋasecisya ŋuna ka asorokanut kaŋ, kori ŋipitesyo kaŋ ŋulu akaŋereneneo ayoŋ iyoŋ; totamunae ayoŋ anamina kon a ŋina nyiryaŋiryaŋa, anerae ijok iyoŋ, okoe ekapolon.

Ŋikiru. 40:12

anerae ekeloŋiyasi ayoŋ ŋican ŋulu nyimarun; eketapapanut ayoŋ ŋasecisya nyapedorit akidaŋidaŋ ikes, elalak nooi akilo tari ŋitim anakou kaŋ, ido adaun akigeno aneni kaŋ.

Ŋikiru. 41:4

Ani eruwor ayoŋ, abu otema, “Okoe ekapolon, torimakinae ayoŋ; kitaŋaleunoe ayoŋ, anerae asec ayoŋ aneni kon.”

Awos. 33:10

Apaki daadaŋ ŋina iŋolikiniata ŋituŋa edou emini lopuke ke Eema, anyounete ŋituŋa daadaŋ kilipa alopukei a ŋiemae kec.

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Dan. 9:5

aseci isua ka etiyae ŋuna nyiyookino, etiyae isua ŋuna aronok ka ikiŋer isua iyoŋ, aŋeri isua ŋakiro ŋuna etubunit Akuj;

Mat. 10:3

Pilipo ka Batolomayo; Tomas ka Matayo ŋolo arae ekeriran ocur; Yakobo lokoku ka Alipayo ka Tadeo;

Mat. 6:5

“Ani ilipete iyes, nyikokis ŋikaŋisoswae, anerae eminasi ikes akilip ewuasi alosinagogae ka alorotin; ikotere eanyuwaryata ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 11:25

Apaki daadaŋ ŋina ilipyata iyes, kisyonioto ŋini daadaŋ itiyat aronis neni kus, ikotere Papa kus daŋ ŋolo eyai nakuj ikisyoni iyes. [

Luk. 17:12

Ani eapiyari lore ŋolo alosi, kiryamun ka ŋikilyok ŋitomon ŋulu erumit atapon ŋulu apotu towua anawae.

Luk. 22:41

Torotok iŋes aneni kec tari neni ebai neni edoe amoru imasaryo, ido toryedik kilip.

Luk. 23:48

Ani eanyunete ŋituŋa daŋ ŋulu acunakina neni ŋakiro ŋuna apotu kitiyakin, toboŋosi lorerya kec eramete ŋitai.

Luk. 5:8

Ani iŋolikini Simoni Petero ŋakiro ŋuna apotu kitiyakin, toryedik alokiŋaren Yesu tema, “Ekapolon, kiyotok aneni kaŋ, anerae arae ayoŋ ekasecan!”

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

Ŋirom. 5:8

Nai ikitoodik Akuj iwon etyae ŋolo ikiminar iŋes iwon, anerae abu Kristo totwan aŋuna yok eriŋa iwon ikirae ŋikasecak.

2 Ŋikor. 7:11

Toanyuwasi ŋuna abu Akuj kitiya aŋuna ka akiyaloloŋ kus! Abu akiyaloloŋ ŋin ikiinak iyes alelakinit akitiya ka akitoodiun atemar emam ŋuna ikikamunito iyes! Ipotu iyes toŋoa aŋuna apotu totakanut, ipotu tokuryaketa aŋuna epedorete akitiyakin nabo. Apotu ŋakiro ŋun ikiinakis iyes akiitan aanyun ayoŋ, ekimuye ŋolo kigaŋet ayoŋ ka akisican ŋolo aratan.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

Ŋibur. 8:12

Esyoni ayoŋ ŋaronisya kec, nabo nyatamuni ŋasecisya kec jik.”