Luk. 18:12 - Ebaibul

¹² Aroneene ayoŋ ŋaroniet ŋaarei a ŋolosabit, nabo akalemianakini iyoŋ atutubet apei ŋina kitomonet a ŋinibore a daadaŋ aryamuni ayoŋ.’

Luk. 18:12 Iomraidhean Croise

2 Ŋirw. 10:16

Tema iŋes, “Bua orukosi eketoodik alelakinit kaŋ Ekapolon.” Aŋun, apotu ikes todoka agaari toloto.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Ekim. 18:24

anerae adau ayoŋ ainakin ŋilepi atutubet apei alotooma ŋitomon a ŋiboro a Ŋisirael a ŋulu etyakarete ikes erae ainakinet neni ke Ekapolon. Aŋun, alimu ayoŋ atemar emam ŋalup ekorakinio ikes aneni a Ŋisirael.”

Ekim. 23:4

Abu nai Akuj totakanu neni a Balaam, ido tolimok Balaam Akuj tema, “Etemok ayoŋ ŋamuroeta ŋakanikaarei, ido ainak neni kon emoŋ ka emesek alokidiama ŋinamuroet.”

Mat. 5:20

Akalimokini ayoŋ iyes atemar, ani pa kilo akiyookino kus ŋina a ŋiketatamak a Ŋikisila ka ŋina a Ŋiparisayon, nyilomarete iyes Napukan ŋina anakuj.

Mat. 6:1

“Tocoito nyitiyaete ŋiticisyo ŋulu ke edin alokiŋaren ŋituŋa, icamito atemar ikianyuwasi ikes iyes, anerae ani kitiyata iyes ikoŋina, nyiryamunete edioropit aneni a Papa kus a ŋolo eyai nakuj.

Mat. 6:16

“Ani ikanyi iyoŋ, nyitasyono ikwa itasyonotor ŋikaŋisoswae. Elosete ikes esecec ŋireetin, ikotere eanyuniata ŋituŋa atemar ikanyete ikes. Akalimokini ayoŋ iyes kire atemar, adaut ikes aryamun eropit kec.

Mat. 6:5

“Ani ilipete iyes, nyikokis ŋikaŋisoswae, anerae eminasi ikes akilip ewuasi alosinagogae ka alorotin; ikotere eanyuwaryata ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mat. 9:14

Potu ŋikasyomak a Yoana ke Ekebatisan neni a Yesu, kiŋita iŋes temasi, “Kaanukiro ikikanyanakinia isua ka Ŋiparisayon, nai nyikanyeneneete ŋikonikasyomak?”

Luk. 11:42

“Ekaŋ iyes Ŋiparisayon! Ilemyanakinete iyes Akuj alemikinet apei anatomon a ŋikito a ŋulu itoboboete akimuj, nai ijamakinito iyes ŋakiro ŋuna iriyan ŋuna ka Akuj ka amina keŋ. Itemokino iyes akitiya nu tomam ajamakinit ŋunace.

Luk. 17:10

Ikote neni tari aneni kus. Ani kitiyata iyes ŋuna ikicikakinitae daadaŋ, temasi, ‘Ikirae isua ca ŋiketiyak, ikitiya isua ŋuna make ikicamakinitae akitiya!’ ”

Ŋirom. 3:27

Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor.

1 Ŋikor. 1:29

Abu Akuj kitiya ŋun, ikotere nyiturokinor idiotuŋanan alokiŋaren keŋ.

Ŋigal. 1:14

Eloit paaran ayoŋ Ŋiyudayan ŋulu alalak ŋulu arae ŋikesa kaŋ alotooma akitiya ŋuna ke edin a Ŋiyudayan, ka ewuapit ayoŋ ka alelakinit ŋitalyo ŋulu atapapaa kosi.

Ŋiep. 2:9

Meere aŋuna a ŋiticisyo kus ikiunere iyes, nai erae aiuno ainakinet ŋina ka Akuj, ikotere nyiturokin idiotuŋanan aŋuna ka ainakinet a ŋin.

1 Tim. 4:8

Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

1 Sam. 15:13

Ani edoli Samuel neni a Saul, tema Saul, “Ikiterereŋ iyoŋ Ekapolon; adau ayoŋ akiwuap ŋuna ekecikit ayoŋ Ekapolon.”