Luk. 18:11 - Ebaibul

¹¹ “Towo Eparisayot kilip nenipei keŋ bon tema, ‘Akuj, alakara ayoŋ neni kon, anerae nyikikwaan ayoŋ ka ŋituŋa ŋuluce, ŋikademanarak, ŋikokolak, ŋikalomak, kori daŋ ikwa ekeriran ocur ŋol.

Luk. 18:11 Iomraidhean Croise

Ŋikiru. 134:1

Potu, kipuro Ekapolon, iyes ŋiketiyak ŋulu ke Ekapolon daadaŋ, kipuro iŋes, iyes ŋulu itiyaete nakwaare alo Kai keŋ.

Ŋikiru. 135:2

iyes ŋulu itiyaete alo Kai ke Ekapolon, iyes ŋulu iyakasi nalapatui ŋuna ka Akai ka Akuj yok.

Ŋakit. 20:6

Iseraete ŋikalalak atemar ikiyakar amina, nai ŋae epedori aryamun ituŋanan ŋini kire ikinyoma?

Ŋakit. 30:12

Eyakasi ŋituŋa ŋulu itojokasi alorwor kec, nai nyikoŋorito ikes akitiya aronis.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Isa. 65:5

a ŋituŋa a ŋulu ebasi, “Kiboi bon ai na, nyibu diyete kaŋ, anerae aseg ayoŋ nooi akilo iyoŋ.” Erae ŋituŋa ŋulu ikote ŋul ŋikoŋinae aneni kaŋ ikwaan ka apuru a ŋikumes, ikwaan ka akim ŋina enoki apaaran daadaŋ.

Yer. 2:28

Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Yer. 2:35

irworosi iyes ibasi, ‘Mam ŋakiro ikisecit isua; kire jik, nyikiŋoikinit Akuj iyes.’ Tokona, ekesicani ayoŋ iyes aŋuna irworotor ibasi, ‘nyikisecit isua.’

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mat. 10:3

Pilipo ka Batolomayo; Tomas ka Matayo ŋolo arae ekeriran ocur; Yakobo lokoku ka Alipayo ka Tadeo;

Mat. 5:20

Akalimokini ayoŋ iyes atemar, ani pa kilo akiyookino kus ŋina a ŋiketatamak a Ŋikisila ka ŋina a Ŋiparisayon, nyilomarete iyes Napukan ŋina anakuj.

Mat. 6:5

“Ani ilipete iyes, nyikokis ŋikaŋisoswae, anerae eminasi ikes akilip ewuasi alosinagogae ka alorotin; ikotere eanyuwaryata ŋituŋa ikes. Akalimokini ayoŋ iyes kire atemar, adaut ikes aryamun eropit kec.

Mar. 11:25

Apaki daadaŋ ŋina ilipyata iyes, kisyonioto ŋini daadaŋ itiyat aronis neni kus, ikotere Papa kus daŋ ŋolo eyai nakuj ikisyoni iyes. [

Luk. 20:47

Edemete ikes ŋapuseru ŋiboro kec ka daŋ ilipete ekaoyan iwogasi neni erae koŋin! Eryamunete ikes atubokino ŋina aronon nooi!”

Luk. 22:41

Torotok iŋes aneni kec tari neni ebai neni edoe amoru imasaryo, ido toryedik kilip.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋipil. 3:6

ka ayai ayoŋ ekibure ŋolo ka akisican ŋikanupak a Kristo. Alotooma ŋuna ikamunito akiyookino anakiwuapit Ŋikisila a Ŋiyudayan, amam ayoŋ asecit.

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.