Luk. 17:26 - Ebaibul

²⁶ Ikwaanikinosi ŋakiro ŋuna a ŋirwa a Lokoku a Ituŋanan ka ŋuna koloŋ a ŋirwa a ŋulu a Noa.

Luk. 17:26 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 6:7

Tema Ekapolon, “Etoŋopiyari ayoŋ anakwap ŋituŋa ŋulu abu osub, akisyakin aneni a ituŋanan tari lotyaŋ ka aneni a ŋinibore elyat tari lokyeny; anerae eketililyata ayoŋ ŋakiro ŋuna koloŋ abunio osubunia ikes.”

Akisy. 6:8

Nai abu Ekapolon toryamu Noa iyookino alokiŋaren keŋ.

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Luk. 17:22

Tolimok nai Yesu ŋikasyomak keŋ tema, “Epote ŋirwa ŋulu iitaniata iyes akiŋolikin tari apeikoloŋit ŋina a Lokoku a Ituŋanan, nai nyiŋolikinete jik.

Luk. 17:24

Anerae ikoni abunore a Lokoku a Ituŋanan akimilyaunet ŋina ebuni ke epeiwae akwap tari lowae ŋoloce, kinuak akwap daadaŋ.

Luk. 17:27

Emujete ŋituŋa daadaŋ ka tomasete, eitanarete ŋikilyok, nabo epotonoryo ŋapesur kiitae tari akitodol akoloŋit ŋina alomarya Noa nataker; nai tomunyasi ŋakipi ŋituŋa ŋuluce daadaŋ.

Luk. 17:7

“Ani keyai ipei alokidiŋ kus ŋini eyakar eketiyan ŋolo itae kori iyoki ŋamesekin, ŋina ebunio iŋes alomanikor, itemari iyoŋ iŋes kiboikin kimuj a?

Luk. 18:8

Akalimokini ayoŋ iyes atemar, einakini iŋes ikes ibore ŋini ecamito atipei. Nai ŋina ebunio Lokoku a Ituŋanan, eryamuni mono iŋes anupit anakwap a?”

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

2 Pet. 2:5

Pa abu Akuj kimyek ŋituŋa ŋulu koloŋ, nai abu yau ŋakipi ŋuna apotu torapuwasi akwap ŋina a ŋituŋa a ŋulu aŋerete iŋes; ŋulu make abu iŋes tolaku ikes Noa ŋolo etatami akiyookino ka ŋituŋa ŋice ŋikanikaarei.

2 Pet. 3:6

Arae nabo ŋakipi pei, ŋakipi ŋuna ka akalele aponere kinyasunere akwap ŋinaŋorot.