Luk. 17:1 - Ebaibul

¹ Tolimok Yesu ŋikasyomak keŋ tema, “Kire epote ŋakitemyeta ŋuna epedorete akitesec ŋituŋa, nai ekaŋ iŋes ŋini eyauni ŋakiro ŋun!

Luk. 17:1 Iomraidhean Croise

Mat. 16:23

Toboboŋ Yesu tolimok Petero tema, “Tolot aneni kaŋ Satan! Irae iyoŋ ŋolo ikiretakinit ayoŋ, anerae ŋatameta kon nyeponito aneni ka Akuj, nai eponito alotuŋa.”

Mat. 18:7

Ekaŋ iyes ŋituŋa ŋulu itesecete ŋuluce! Anerae itemokino ŋakitemyet ŋun toyakaun, nai ekaŋ iŋes ŋini eyauni ikes!

Luk. 16:31

Toboŋok Aburaam iŋes tema, ‘Ani pa kiirasi ikes Moses ka ŋikadwarak, nyepedorete akinup tari keyaru ituŋanan alokatwak.’ ”

Ŋirom. 14:13

Aŋun nai, ojoŋoto atubonokin make. Nai ŋuna itemokino iwon otyakutu akitiya nu: nyitemokino akitiya idiobore ŋini isigukini lokaato yok ananupit keŋ kori ŋini itolomari iŋes nasecit.

Ŋirom. 16:17

Ŋikaitotoi kaŋ, ekemaimai ayoŋ iyes atemar tocoikis ŋulu etyakatyakaete ŋituŋa, ido kitooliyosi ananupit kec; ŋulu eŋerito ŋakiro ŋuna aponi ikitatami iyes. Tocoito irukete ka ikes!

1 Ŋikor. 10:32

Nyitoŋoa Ŋiyudayan kori Ŋigirik kori ŋatukon a Ŋikristo ŋuna erae ŋuna ka Akuj.

1 Ŋikor. 11:19

(Kire itemokino toyai atyakatyaka kidiŋ kus, ikotere kileereunioto ŋulu enupito kire.)

1 Ŋikor. 8:13

Aŋun, ani kerae akimuj iteseci lokaato kaŋ, nyanyami nabo akiriŋ jik, ikotere nyetesec iŋes.

1 Tim. 4:1

Elimunit Etau ŋolo ka Akuj ŋakiro ŋuna ileereete ebala, alorwa a ŋulu esidyok, epalikinete ŋituŋa ŋice anupit Kristo. Iwuapakinete ikes ŋitai ŋulu alyokonok ka akitatam ŋina a ŋipyan.

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.