Luk. 16:13 - Ebaibul

¹³ “Emam eketiyan epedori akitiya ŋiticisyo ŋulu a ŋikapolok a ŋiarei; eŋeri epei, tosodi tominak ŋoloce, kori imiidikin neni ke epei, tosodi tojamuwa ŋoloce. Nyipedorete iyes akikicarikin akitiyanakin Akuj ka ebari.”

Luk. 16:13 Iomraidhean Croise

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Luk. 11:23

“Ituŋanan ŋini nyeyai lowae kaŋ, akaŋerit ayoŋ; nabo ituŋanan ŋini nyekeŋarakinit ayoŋ akicun, ielieli.”

Luk. 14:26

“Ŋinituŋanan ebuni neni kaŋ, nyeruwor ekaakewuapan, mati kakaminaki iŋes ayoŋ nooi akilo papa keŋ, toto keŋ, aberu keŋ, ŋidwe keŋ, atalokaato keŋ, atanakaato keŋ ta akiyar keŋ a ilope.

Luk. 16:12

Ani pa kikikinyomitae iyoŋ a ibore a ituŋanan a ŋinice, ŋae ikiinakini iyoŋ ŋini itemokino toruwor ŋini kon?

Luk. 16:9

Tolimu nai Yesu tema, “Akalimokini ayoŋ iyes daŋ atemar kikoneutu ŋikonei ke ebari kus a ŋolo ka akwap a na. Ani edaun ebari kus anakwap a na, ikijaunete ikes iyes lore ŋolo eyai akiyar ŋina nyedaun.

Luk. 9:50

Tolimok Yesu Yoana ka ŋikasyomak ŋuluce tema, “Nyiretakis iŋes, anerae ituŋanan daadaŋ ŋini nyikitepegi iyes, erae ŋini kus.”

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.

Yos. 24:15

Nai ani pa kejok aneni kus akitiyanakin Ekapolon, toseutu nai iyes ŋilopeyek nakoloŋit na ŋini itiyanakinete; kerae ŋakujo ŋuna etiyanakinete atapapaa kus Alokekwaye Aŋolol Eupurate, kori ŋakujo a Ŋiamori a ŋulu iboiyete iyes nakwap kec. Ani ayoŋ ka ekal kaŋ, ikitiyanakini Ekapolon.”