Luk. 15:8 - Ebaibul

⁸ “Kori ikokini ai aberu ŋina eyakar ŋisilipae ŋitomon, ido tocakar epei? Emam mono nyinokakini iŋes etaa, topyeu akai, kiwar ŋiwaetin ka akai daadaŋ tari ŋina eryamunia a?

Luk. 15:8 Iomraidhean Croise

Esek. 34:12

Lopite ŋolopei iwararyata ŋikeyokok ŋamesekin kec ŋuna ielakina losipanin a ŋamesekin ŋuluce, ewarari ayoŋ daŋ ŋamesekin kaŋ. Aiuni ayoŋ ikes anakiboisyo a daadaŋ a ŋuna aponi kielarae ikes akoloŋit ŋina ka akiryonut ŋina alalaata ŋican.

Mat. 5:15

Emam ituŋanan ŋini ani kinokak etaa tosodi tobuburik atuba, nai iwuakini neni ikeuna, ikotere kinuakak ŋituŋa daadaŋ alokai.

Luk. 15:7

Ikwaŋinapei, akalimokini ayoŋ iyes atemar, eyakaun alelyan nakuj aŋuna ke ekasecan a epei a ŋolo ekii ŋasecisya keŋ, akilo ŋuluce ŋulu tomonikanikaomwon ka ŋikanikaomwon ŋulu ajokak, ŋulu nyiitanito akiki ŋasecisya kec.

Luk. 15:9

Ani eryamuni, enyarauni ŋakeekonei ka ŋikidunyet iwapei tema, ‘Olelyana kaapei ka ayoŋ, anerae aryamu ayoŋ esilipa kaŋ ŋolo acakara!’

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Yoa. 10:16

Eyakasi ŋamesekin kaŋ ŋace ŋuna emam alosipan a lo; itemokino ayoŋ ocun ikes daŋ ka iirarete ikes etoil kaŋ; toruworos nai ikes epeisipan ŋolo ke epeikeyokon.

Yoa. 11:52

Meere aŋuna ka akwap a ŋin bon, nai ikotere ecunakini iwapei ŋidwe ŋulu ka Akuj, ŋulu ielara.

Ŋitic. 19:19

Yaut ŋikalalak ŋulu sek arae ŋikekukujak ŋikitaaboi kec iwapei kicunyakis alokiŋaren ŋituŋa daadaŋ. Kimoriut ikes ebei ŋolo a ŋikitaaboi, todol daadaŋ ŋisilipae ŋalipyo ŋatomonikan.

Ŋiep. 2:17

Abu nai Kristo bu alimonokin ŋakiro ŋuna ke ekisil neni a ŋituŋa a daadaŋ--neni kus a ŋulu nyirae Ŋiyudayan, a ŋulu sek ilwaka nooi aneni ka Akuj ka neni a Ŋiyudayan a ŋulu sek aapiyete aneni ka Akuj.