Luk. 15:4 - Ebaibul

⁴ “Ani alokidiŋ kus keyakar ituŋanan ŋamesekin amiat, tooli apei, ikokini iŋes ai? Nyimyekini iŋes ŋuna tomonikanikaomwon ka ŋakanikaomwon anadakar, tolot kiwara ŋina eolit tari neni eryamunia a?

Luk. 15:4 Iomraidhean Croise

Ŋikiru. 119:176

Adau ayoŋ aoliyor ikwa amesek ŋina eolit; kiwarae ayoŋ eketiyan kon, anerae nyimuryakina ayoŋ ŋakiciketa kon.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Yer. 33:13

Eyakaun ŋamesekin ŋuna epote ŋikeyokok akimar lotaunio a akwap a ŋina a ŋikamukumukui, Sepela, Negeb, nakwap a Benjamin, nakiboisyo ŋuna alodiyete Yerusalem ka lotaunio a Yudaya.”

Yer. 50:6

“Apotu ŋituŋa kaŋ towoliyosi ikwa ŋamesekin ŋuna eoliyorito, etooliyosi ŋikeyokok kec ikes, ayaasi ikes kidiama ŋimoru, aloseneneete ikes alomoru tari lokamukumukui, emuryak ikes neni sek eperete.

Esek. 34:16

Alosi ayoŋ akiŋitanar ŋuna eolito, enyakuni ayoŋ ŋuna eoliyorito, aeni ayoŋ ŋajemei a ŋuna ewanawana, etogogoŋi ayoŋ ŋuna epalag, nai amunyari ayoŋ ŋuna atumak ka ŋuna agogoŋok. Eyoki ayoŋ ŋamesekin anakiyookino.

Esek. 34:31

Iraakasi iyes ŋamesekin kaŋ, ŋamesekin ŋuna eyoki ayoŋ ka arae ayoŋ Akuj Kus.”

Esek. 34:4

Nyitogogoŋo iyes ŋamesekin ŋuna epalag, nyitaŋaleuno iyes ŋuna edyakasi, nyeena iyes ŋajemei aŋuna ewanawana, nyinyakuna iyes ŋuna eoliyorito, nyiwarara iyes ŋuna eolito, nai ipolokis iyes ŋamesekin alotooma aryenyeo ka anyunyura.

Esek. 34:8

‘Ikwapei kire jik ayarya ayoŋ, iyes ŋikeyokok, aŋuna aponiata ŋamesekin kaŋ kicanakinos ekeyokon ka apotu ŋityaŋ ŋulu anariet kielasi ikes daadaŋ ka tonyama aŋuna amamukar ekeyokon eyoki ikes ka aŋuna pa aponiata ŋikeyokok kaŋ kiwarasi ŋamesekin kaŋ, nai apotu kiyoko ŋawat kec bon akilo akiyok ŋamesekin kaŋ,’

Mat. 12:11

Tolimok Yesu ikes tema, “Ŋae alokidiŋ kus ŋini nyiriuni amesek keŋ, kimasakin nakipany ŋina aoyan akoloŋit ŋina a Sabato?

Luk. 13:15

Tolimok Ekapolon iŋes tema, “Iyes ŋikaŋisoswae! Nyelacanakini idiotuŋanan alokidiŋ kus ekeemoŋ kori ekeesigirya ananok, ido tomia nakipi akoloŋit ŋina a Sabato a?

Luk. 15:3

Tolimok Yesu ikes akitadapet na tema,

Luk. 19:10

Anerae abuni Lokoku a Ituŋanan akiwarit ka aiun ŋulu eoliyorito.”

Ŋirom. 2:1

Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope.

1 Pet. 2:25

Ikote koloŋ iyes ŋamesekin ŋuna apotu tooliyosi alorot, nai tokona ikinyakun iyes akiwuap Ekeyokon ka Ekedaran kus.