Luk. 15:30 - Ebaibul

³⁰ Nai abu lokoku kon logo kisunyak ŋiboro kon daadaŋ namalaae, ani tokona eboŋuni iŋes lore, iarak iyoŋ iŋes itaok ŋini atuman!’

Luk. 15:30 Iomraidhean Croise

Awos. 32:11

Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Awos. 32:7

Tema nai Ekapolon neni a Moses, “Kionyak atipei totiyaar kwap! Adaut ŋituŋa kon ŋulu ibu iyoŋ kitipeunio anakwap a Ijipit akisec ka akiŋer ayoŋ.

Ŋakit. 29:3

Italakari ikoku ŋini eos ikauruunan keŋ, nai ŋini emina arukit ka ŋamalaae, ebelari ebari keŋ.

Mar. 12:44

Anerae, acakete ŋuluce daadaŋ ŋisiliŋa ŋulu erae ŋikoŋinae alobari kec, nai acakaki apuserut na anakulyako keŋ ŋulu daadaŋ ayakar ka edaritor akeekiyar.”

Luk. 15:29

Toboŋok iŋes papa keŋ tema, ‘Kiŋolik, etiya ayoŋ ekonitic ŋikaru ŋulu alalak emam nyeŋero ŋakonikiro; nai emam tari idiokale daŋ ŋini ibu iyoŋ ikiinak ayoŋ olakarotor ka ŋikonei kaŋ.

Luk. 15:31

Toboŋok papa keŋ iŋes tema, ‘Lokoku, ikirukit iwon ŋirwa daadaŋ, nabo ibore daadaŋ ŋini ikiyakar ayoŋ erae ŋini kon.

Luk. 15:32

Nai itemokino iwon olakaros; anerae lokaato kon lo, atwanit, nai tokona ayaru; aolit, nai tokona atakanu!’ ”

Luk. 18:11

“Towo Eparisayot kilip nenipei keŋ bon tema, ‘Akuj, alakara ayoŋ neni kon, anerae nyikikwaan ayoŋ ka ŋituŋa ŋuluce, ŋikademanarak, ŋikokolak, ŋikalomak, kori daŋ ikwa ekeriran ocur ŋol.