Luk. 15:28 - Ebaibul

²⁸ “Toŋo edya ŋolo apolon nooi, towou alomar tooma lore; tosodi tolomu papa keŋ kiŋa, kimaima iŋes tema, ‘Tolomu tooma.’

Luk. 15:28 Iomraidhean Croise

Isa. 65:5

a ŋituŋa a ŋulu ebasi, “Kiboi bon ai na, nyibu diyete kaŋ, anerae aseg ayoŋ nooi akilo iyoŋ.” Erae ŋituŋa ŋulu ikote ŋul ŋikoŋinae aneni kaŋ ikwaan ka apuru a ŋikumes, ikwaan ka akim ŋina enoki apaaran daadaŋ.

Isa. 66:5

Kiirasi ŋakiro ŋuna irworo Ekapolon, iyes ŋulu itopoloorito ŋakiro keŋ, “Adaut ŋituŋa kus pei ŋulu ikiremokino iyes ka ikiŋerito iyes aŋuna a ekiro kaŋ alimun ebe, ‘Emaikina Ekapolon kitoodiu apolou keŋ, ikotere isua ikiŋolikini iyes ilelyanete.’ Nai ikes ŋikulepek isurumyo ŋileec.

Yer. 35:16

Ewuapa ŋiletok a Yonadab alokoku a Rekab ŋakiro ŋuna alimokinit papaa kec ikes, nai nyiwuapa ŋituŋa lu ŋakiro kaŋ.

Yona 4:9

Nai abu Akuj kiŋit Yona tema, “Iyookino kire iyoŋ aŋoit aŋuna a elogilog a?” Toboŋok Yona tema, “Ee, aŋoit ayoŋ jik, acamit otwan.”

Mat. 20:11

Ani eryamunete ikes eropit, togeut akiŋuruŋura neni ke elope emanikor.

Mar. 1:40

Bu ekile ŋolo adyaka atapon neni a Yesu, kimaima iŋes, toryedik alokiŋaren keŋ tema, “Ani kicamit iyoŋ, ipedori akitaŋaleun.”

Luk. 13:34

“Okoe ŋituŋa a Yerusalem ŋulu iarete ŋikadwarak, nabo tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunia akokoroit ŋimiyoi nabebenuk keŋ, nai nyikicamakis iyes ayoŋ.

Luk. 15:2

Tolomakis Ŋiparisayon ka ŋiketatamak a Ŋikisila akiŋuruŋura ebasi, “Okoe! Abe erukito bo ituŋanan en ka ŋikasecak, nabo imujete ka ikes!”

Luk. 15:27

Toboŋok eketiyan ŋol iŋes tema, ‘Lokaato kon aboŋu lore, ido abu papa kon tema toara itaok ŋini atuman, anerae aboŋu iŋes neni ajokan emam ŋace.’

Luk. 15:29

Toboŋok iŋes papa keŋ tema, ‘Kiŋolik, etiya ayoŋ ekonitic ŋikaru ŋulu alalak emam nyeŋero ŋakonikiro; nai emam tari idiokale daŋ ŋini ibu iyoŋ ikiinak ayoŋ olakarotor ka ŋikonei kaŋ.

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Luk. 5:30

Tosodo Ŋiparisayon ŋice ka ŋiketatamak a Ŋikisila ŋulu arukito ka iŋes, kiŋuruŋurakinos, kiŋita ŋikasyomak a Yesu temasi, “Nyo imujata ka imasyata iyes ka ŋikerirak ocur ta ŋikasecak?”

Luk. 7:39

Ani iŋolikini Eparisayot ŋolo anyarit Yesu nakimuj ŋakiro ŋun, abu totamak bon tema, “Kerae kire torae ekile lo ekadwaran, keyeni atemar aniberu na ŋina etapit iŋes na; nabo keyeni atemar erae iŋes akasecan!”

Ŋitic. 13:45

Nai ani iŋolikinete Ŋiyudayan ŋasepico, min arakao nooi neni kec, kitepega erwor a Paulo ka kiyanya iŋes.

Ŋitic. 13:50

Nai, apotu Ŋiyudayan kitutuko ŋaberu ŋuna apolok ŋuna ainakina neni ka Akuj ka ŋikarikok ŋulu ke etaun. Togeut ikes akisican Paulo ka Baranaba, kiritasi ikes anakwap kec.

Ŋitic. 14:19

Nai aponito nen Ŋiyudayan alo Antiokio ka Ikonio, kicocoiyasi ikes ŋasepico, kitiriwo lowae kec; ido kimasamasata Paulo a ŋamoru, kiriyasi kiŋa etaun etamete atemar kori atwana.

Ŋitic. 14:2

Nai apotu Ŋiyudayan ŋulu awounito akinup kiguryakis ka kicocoa daŋ ŋituŋa ŋulu pa arae Ŋiyudayan akitoroniyar ŋikanupak.

Ŋirom. 10:19

Eŋita nabo ayoŋ nu: pa ayenete Ŋisirael apolou a ŋakiro a ŋun a? Arae Moses elope abu kisyau aboŋokin ebe: “Ebala Akuj, eketuruwori ayoŋ iyes ŋituŋa ŋulu iyakatar arakao neni a ŋulu emamukatar ebuku. Eketuruwori ayoŋ iyes ŋituŋa ŋulu iŋoikinito ebuku ŋolo ebaŋaaka ŋituŋa keŋ.”

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

1 Sam. 17:28

Kiira Eliab lokaato a Daudi ŋolo apolon Daudi irworosi ka ŋituŋa; toŋo Eliab aŋuna a Daudi kiŋit iŋes tema, “Kaanukiro ibunio iyoŋ itiyaunor ne? Ŋae imyekinia iyoŋ ŋamesekin ŋunakudyo ŋun analoŋisat? Ayeni ayoŋ ŋuna itami iyoŋ akitiyakin ka aronis ŋina eyai lotau kon; anerae itiyaun iyoŋ ne erae akiŋolikin ejie.”

1 Sam. 18:8

Toŋo Saul nooi, anerae abu erwor ŋol nyitalaka iŋes. Tema iŋes, “Atemasi ba ŋituŋa Daudi earit ŋalipyo ŋatomotomoe, ido aarit ayoŋ ŋalipyo; nyo nai ibore ice idoŋit ŋituŋa ainakin iŋes alemar apukan?”