Luk. 15:22 - Ebaibul

²² Nai tolimok papa keŋ ŋiketiyak keŋ tema, ‘Apesi atipei yautu elou ŋolo ajokan kitanapa. Kiwuakisi ekaboboot lokimoin keŋ ka kitanapa ŋamuk.

Luk. 15:22 Iomraidhean Croise

Akisy. 41:42

Tosodi nai Parao tolacu ekaboboot keŋ ŋolo a etal alokimoin keŋ, kitanapik lokimoin a Yosepu. Kitanap ŋilowi ŋulu aoyak ŋulu amilimilak, kitanapik lodokole a Yosepu erikot ŋolo a egolid.

Esta 3:10

Aŋun, abu erwosit tolemu ekaboboot keŋ ŋolo ka apolou anakan keŋ, ido inak Aman lokoku ka Amedasa a ŋolo arae Egagitait, emoit a Ŋiyudayan.

Esta 8:2

Abu nai erwosit tolemu ekaboboot keŋ ŋolo ka apolou ŋolo keris sek iŋes kelacu aneni ka Aman, ido abu inak Moridekai. Aŋun, abu Esta inak Moridekai apolokin akai ka Aman.

Ŋikiru. 132:16

Eterereŋi ayoŋ ŋisacaradotin keŋ alotooma daadaŋ ŋuna itiyaete, ido eikinete ŋituŋa keŋ, tocela alotooma alelyanu.

Ŋikiru. 132:9

Elipi kitiyata jwi jwi ŋisacaradotin kon ŋuna iyookino, elipi toeoto ŋituŋa kon aŋuna ka alelyanu.

Ŋikiru. 18:33

Abu Akuj okoinak ayoŋ apiranu lopite ŋolo epirania atili, ido abu ekewuak ayoŋ lomukura oiun a nen.

Ŋikiru. 45:13

Elomunit ateran a erwosit kai ka apukan nooi neni ebusan; edonyonokinitoe lolowi keŋ ŋulu aoyak ŋausyo ŋuna ke egolid.

Eete a Ŋie. 7:1

Okoe nakoku a erwosit, ejokak nooi ŋakejen kon anamuk kon, ejokak nooi ŋamuroi kon esulut ikote ŋaculo ŋuna itiyaunitae anamoru a ŋuna amilimilak, ŋuna erae ituŋanan itiyaunit a ŋakan keŋ.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Luk. 15:21

Tolimok edya ŋol papa keŋ tema, ‘Papa, asec ayoŋ alokiŋaren Akuj ka alokiŋaren kon; nyitemokino nabo ayoŋ okanyarae lokoku kon.’

Luk. 15:23

Toramutu itaok ŋini atuman toarakis, onyama olakaros!

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋirom. 3:22

Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait,

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

Ŋigal. 3:27

Aponi iyes ikibatisae tooma nakimorikina ka Kristo ka tokona inapito iyes ŋipitesyo ŋulu a Kristo.

Ŋiep. 6:15

ka tonapa ikwa ŋamuk ekibure ŋolo ka alimonokin Ŋakiro ŋuna Ajokak ŋuna ke ekisil a ŋolo ka Akuj.

Ŋikis. 33:25

Elipi toruworos ŋikekya ŋulu egolere ŋitaunio kec ŋulu itiyaunitae a ŋasuwa ka eburonis, ka elipi torubak agogoŋu kec ŋirwa daadaŋ ŋulu ka akiyar kec.

Akis. 19:8

Ainakin iŋes ŋilowi ŋulu ajokak ŋulu amilimilak ŋuludelet.” (Ŋilowi ŋulu ajokak ŋul, ikes erae ŋiticisyo ŋulu ka akiyookino a ŋituŋa a ŋulu ka Akuj.)

Akis. 2:17

“Iŋes ŋini eya ŋaki, kiira ŋuna irworo Etau natukon ŋuna a Ŋikristo! “Iŋes ŋini ilouni, ainakini Manna adio ŋina iwuaitae. Ainakini nabo ayoŋ iŋes amoru ŋina akwaŋan ŋina igiritae ekiro ŋolokitete, ŋolo emam ituŋanan eyeni, mati ŋini einakinio amoru ŋin.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.

Akis. 6:11

Aponi inakinae ikes ŋikaasoi ŋulu akwaŋak ka tolimokinae ikes akieŋun adiopaki akitodol ŋina itemokinor ekimar a ŋirukitos kec alotic ka Akuj ka ŋikaitotoi daadaŋ ŋulu earyo, ikwaŋina aarere ikes.

Akis. 7:9

Ani kelunyar ŋun, abu oanyuwa asepic a ŋituŋa a ŋulu pa apedori idiotuŋanan akimarun. Arae ikes ŋulu a ŋibukui, a ŋikabilae, a ŋakwapin ka a ŋaŋajepa a daadaŋ. Apotu ikes towua alokiŋaren ekicoloŋ ŋolo a Imesek; tonapito ŋilowi ŋulu akwaŋak ka toyakatar ŋaten ŋuna a ŋaŋolya nakan kec.