Luk. 15:15 - Ebaibul

¹⁵ Tolot nai iŋes toruwor epito aneni a icetuŋanan anakwap a ŋin, a ŋini abu kiwuak iŋes akiyok ŋipegei.

Luk. 15:15 Iomraidhean Croise

2 Ŋakiro a ŋirwa 28:22

Anapaki a ŋina ayakar Aas natyokisyo, abu toŋer jik akikinyomit neni ke Ekapolon.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 57:17

Abu ayoŋ oŋo aŋuna a ekibure kec a ŋolo ka asecit; abu ayoŋ esican ikes, oŋop ka oŋo, nai apotu ikes torubakis iwuapito ŋuna kec a ŋilopeyek.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Esek. 16:52

Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Naum 3:6

Eketoodikini ayoŋ iyoŋ atemar akajamuwarit ayoŋ iyoŋ, akawuatakini ayoŋ iyoŋ aoret,

Mal. 2:9

Aŋun, ayoŋ daŋ eketuruwori iyes ŋulu ikijamuwaritae ka ŋulu ikisirumito ŋituŋa daadaŋ ŋileec, anerae iŋero iyes ŋuna abala ayoŋ kiwuapa, ido nyitatamete iyes ŋituŋa ŋakiro ŋapei.”

Mat. 7:6

“Nyiinakis ŋiŋokwo ibore ŋini einakinitae Akuj ka nyimasakis ŋamoru ŋuna elal egyelit lopegei, anerae ipudaarete ikes a ŋakejen, tosodo kibelekinos akitiji iyes.

Luk. 15:13

Ani eriŋa nyelunyara ŋirwa ŋulu alalak, abu edya ŋol tocunak ŋiboro ŋulu ayakar daadaŋ, towot lobuku ece ŋolo alwanan; kirika iŋes aina ŋiboro keŋ alopite a ŋolo aronon.

Luk. 15:14

Kedau iŋes akielielaar ikes daadaŋ, bu eron nakwap ŋin, toŋopik iŋes ibore imuji.

Luk. 15:16

Emuit iŋes akimor ka ŋipegei ŋapoco, nai amam ipei daŋ ŋini apedori ainakin iŋes tari ŋadi.

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.