Luk. 15:13 - Ebaibul

¹³ Ani eriŋa nyelunyara ŋirwa ŋulu alalak, abu edya ŋol tocunak ŋiboro ŋulu ayakar daadaŋ, towot lobuku ece ŋolo alwanan; kirika iŋes aina ŋiboro keŋ alopite a ŋolo aronon.

Luk. 15:13 Iomraidhean Croise

Ŋikiru. 73:27

Kire jik, edaunosi ŋulu ikiŋerito iyoŋ, imunyari iyoŋ ŋulu nyiwuapito ŋakiro kon.

Ŋakit. 18:9

Ituŋanan ŋini ejamaana alotic, erae iyenet a ituŋanan a ŋini emunaanari.

Ŋakit. 21:17

Ituŋanan daadaŋ ŋini emina akileile ŋamuja, eruwor ikulyakit, ituŋanan daadaŋ ŋini emina epiini ka ŋamuja ŋuna epol egyelit, nyebari.

Ŋakit. 21:20

Erubakini ebari eyai nakais a ŋituŋa a ŋulu aosok, nai irikanarete atipei ŋibaŋaanotin ibore ŋini eryamunete.

Ŋakit. 27:8

Ituŋanan ŋini eoliyori alore keŋ, ikwaan ka ikenyit ŋini eoliyori alokai keŋ.

Ŋakit. 28:7

Ituŋanan ŋini iwuapit ekisil, erae ŋini eyakar aosou, nai ituŋanan ŋini emina arukit ka ŋikanyamak, eyauni ŋileec neni a ŋikauruunak keŋ.

Ŋakit. 29:3

Italakari ikoku ŋini eos ikauruunan keŋ, nai ŋini emina arukit ka ŋamalaae, ebelari ebari keŋ.

Ŋakit. 6:26

Epedori ekile akipaŋgaun amalaat a ŋisiliŋa a ŋulu etya ŋulu egyelere amukat, nai epedori akaloman akitasalun akiyar a ekile a ŋolo aloma ka iŋes.

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 22:13

nai akilo iyes ayakau nakiro ŋun, ipotu iyes toyakaunotor alelyanu ka akinumunum ŋasuban, ipotu iyes toara ŋimoŋin ka toŋola ŋamesekin ka ipotu tonyama akiriŋ ka tomata epiini. Ipotu iyes temasi, “Emuja ka omata, anerae ikitwaki moi taparacu.”

Isa. 30:11

Nyiwuapa ŋakiro ŋuna ajokak, kimyekisi akitiya ŋuna iyookino, nyikilimonokis nabo isua ŋakiro ŋuna ka Akuj a Isirael a ŋina asegan.”

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 2:5

Ŋakiro ŋuna iruworo Ekapolon ikes nu, “Anironis apotu atapapaa kus toryamut aneni kaŋ, ŋina abu inak ikes aekar aneni kaŋ, ido toloto akiwuapit ŋiboro ŋulucaryo, toruworos ikes daŋ ŋicaryo?

Mika 6:3

Ŋikaatuŋa, anukiro etiya ayoŋ neni kus? Alipite eketeryamunia ayoŋ iyes ŋican? Toboŋokinoe ayoŋ.

Luk. 15:12

Abu ŋolo cici tolimok iŋes tema, ‘Papa, totyakakinae ayoŋ ŋiboro ŋulu ebeunito neni kaŋ anabaru kon.’ Totyakaki nai papa keŋ edya ŋol ŋiboro keŋ.

Luk. 15:14

Kedau iŋes akielielaar ikes daadaŋ, bu eron nakwap ŋin, toŋopik iŋes ibore imuji.

Luk. 15:30

Nai abu lokoku kon logo kisunyak ŋiboro kon daadaŋ namalaae, ani tokona eboŋuni iŋes lore, iarak iyoŋ iŋes itaok ŋini atuman!’

Luk. 16:1

Tolimok Yesu ŋikeekasyomak tema, “Ayai ekile ŋolo abarit, ŋolo ayakar ekawoikiniton etic ŋiboro keŋ. Tolimokinae nai ekabaran atemar ebolyar ekawoikiniton etic ŋiboro keŋ.

Luk. 16:19

“Ayai ekile ŋolo abarit, tonapite ŋilowi ŋulu apol egyelit nooi, kiramirami akimuj ŋisaae daadaŋ.

Ŋiep. 2:13

Ilwaka paaran sek iyes aneni ka Akuj, nai aŋuna tokona iyakatar nakimorikina ka Kristo, adaun akitapuun iyes neni ka Akuj aŋuna a ŋaokot a Kristo, aŋuna aponi tobukoroe alomusalaba.

Ŋiep. 2:17

Abu nai Kristo bu alimonokin ŋakiro ŋuna ke ekisil neni a ŋituŋa a daadaŋ--neni kus a ŋulu nyirae Ŋiyudayan, a ŋulu sek ilwaka nooi aneni ka Akuj ka neni a Ŋiyudayan a ŋulu sek aapiyete aneni ka Akuj.

2 Pet. 2:13

Etacakinio ikes aronis aŋuna ka aronis a ŋina etiyata ikes. Alakara aneni kec iŋes akitiya ŋinibore daadaŋ naparan ŋini isimwoni ekibure a ŋawat kec. Ikote ikes aŋoryomom ka aaŋoryanut, anerae ejoikinit ikes jik akirworo alyokonu apaki ŋina imujata iyes ka ikes.